Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Horoskopi, 26 maj 2018

Politiko 26 Maj 2018, 08:07

Dashi

Gjatë kësaj të shtune, yjet do vënë në shënjestër sektorin e dashurisë. Duhet të pushoni dhe flini më shumë, pasi kjo do të jetë një ditë mjaft impenjative. Çdo veprim i vogël do të shërbejë për të mbajtur të gjallë raportin në çift. Ata që janë vetëm, duhet të bëhen më të vetëdijshëm për një sërë gjërash, lidhur me një person, të cilin nuk e kanë vënë re më parë. Në punë nuk është momenti për tu sforcuar dhe për tu përfshirë në debate, pasi humori i keq mund t’iu prishë punë.

Demi

Kjo ditë do të jetë shumë e vështirë si në fushën e ndjenjave edhe në atë profesionale. Në dashuri duhet ti bëni sytë katër! Në raportin në çift mundohuni të ndryshoni ndjeshëm stilin tuaj të jetës. Duhet të kaloni më shumë kohë me personat që i keni përzemërt. Ata që janë vetëm, mund të kenë debate me miq apo familjarë. Në punë, do të jeni të përfshirë nga humori i keq, por nëse do i merrni gjërat lehtësisht do të shmangni stresin e tepërt.

Binjakët

Kjo e shtunë do të jetë shumë aktive për të lindurit e kësaj shenje. Në dashuri, më në fund do të jetoni një ditë shumë të bukur, e cila do të rikthejë të gjitha situatat e bukura, të cilat i kishit harruar prej kohësh. Për ata që janë vetëm, Hëna parashikon një shtim të dëshirës për dashuri dhe njohje të reja. Në sferën profesionale do të ndiheni të kënaqur nga fakti se do të tregoheni të sigurtë për aftësitë tuaja profesionale, duke arritur objektivat e dëshiruar pa u angazhuar shumë. Situata financiare është në rritje, por shpenzimet vijojnë të jenë të shumta.

Gaforrja

Kjo ditë ju fton që të reflektoni gjatë dhe me qetësi. Në dashuri, nëse ajo që kërkoni është një aventurë, nuk këshillohet! Prishja e një historie të konsoliduar dashurie për një shkëndijë të momentit do ju zhgënjejë. Ata që janë vetëm, duhet të fokusohen në objektivat e rëndësishëm që i kanë vendosur vetes. Në punë, duhet të tregoheni më të kujdesshëm, një mënyrë që situata të vijë drejt përmirësimit. Vlerësoni me vëmendje një mundësi të re, në fushën profesionale.

Luani

Kjo ditë nuk do të jetë aspak euforike! Në dashuri, mos lini që t’iu ikin ëndrrat që keni, pasi mundësitë duhet ti shfrytëzoni. Nëse doni të jetoni mirë, jini të vërtetë. Ata që janë vetëm, do të mundohet të jenë simpatik dhe komunikues, ndërkohë që do të kenë një as nën mëngë. Në punë, do të përballeni me një vështirësi për të kaluar.

Virgjëresha

Kjo e shtunë do të jetë disi e ngadaltë! Në dashuri, këshillohet që të mendoni pozitivisht duke e parë gotën gjysmë plotë. Ata që janë vetëm do të krijojnë një lidhje të re, e cila mund të rrezikohet prej xhelozisë së tepërt. Në punë, do kaloni nga humori i mirë në nervozizëm, por mos lejoni që dikush t’iu prishë ditën. Gjëja më e rëndësishme për tu bërë, është të sforcoheni në punë, me qetësinë e shpirtit.

Peshorja

Kjo e shtunë do të nisë në mënyrë të shkëlqyer për të lindurit e kësaj shenje. Në dashuri nuk do të jeni më xheloz dhe do të harroni tensionet e përditshme. Për ata që janë vetëm, ka ardhur momenti që të dalin nga guacka ku janë strukur dhe të bëjnë njohje të reja. Në punë, do të jeni të parezistueshëm, ku do të lini në hije çdo koleg që synon t’iu konkurrojë.

Akrepi

Dita do të nisë më së miri. Në dashuri, prania e Hënës në shenjë, favorizon lidhjen me personin tuaj të zemrës. Më në fund jeta në çift do të jetë më e qetë në raport me më parë, duke rigjetur harmoninë e munguar. Për ata që janë vetëm, parashikohen surpriza të këndshme. Në punë, nuk do të mungojnë mundësitë për të kënaqur dëshirën tuaj dhe për të arritur lartë. Gjithçka në sajë të ideve dhe vullnetit tuaj. Komplimente!

Shigjetari

Pritet një e shtunë e thjeshtë por efikase. Dashuria iu dhuron momente të ëmbla. Për ata që janë vetëm, do të jetë një ditë mjaft pozitive, sidomos nëse kanë zgjedhur të rrinë në këtë status për një kohë të gjatë. Në sferën profesionale, do të nisni të korrni frytet e punës suaj, gjë që do ju përmirësojë humorin.

Bricjapi

Kjo ditë do të jetë mjaft e mirë, ku e shtuna do të jetë një moment i përshtatshëm për të reflektuar. Dashuria do ju kënaqë, ndonëse mund të ketë momente luhatje. Ata që nuk janë në një lidhje, duhet ti bëjnë një dhuratë vetes dhe të mundohen të argëtohen sa më shumë. Në punë, krijimtaria juaj do iu çojë larg, përtej pritshmërive që keni. Do t’iu mësoni edhe të tjerëve se si të bashkëpunoni, për të shkuar në rrugën e duhur.

Ujori

Një ditë perfekte parashikohet në horizont… dhe yjet vështirë se gabojnë. Në fushën e ndjenjave, më në fund do të keni kohë për t’iu dedikuar dashurisë. Partneri/ja juaj do të jetë i lumtur dhe do ju mbushë me përkëdhelje dhe momente magjike. Për ata që janë vetëm, po afron diçka e bukur. Një ndjenjë ndaj dikujt që ju intereson, ndoshta do të kthehet në dashuri të vërtetë. Në punë, nëse nuk do veproni me nxitim, do të arrini që të çoni në fund një projekt me rëndësi. Angazhimi juaj do të rezultojë i paguar mirë dhe të gjithë do e vlerësojnë atë që keni bërë.

Peshqit

Kjo ditë fundjave do të nisë më së miri. Sa i takon dashurisë, do të ndjeni emocione të forta ndaj personit që keni përzemër dhe do të ndjeni dëshirën për të jetuar. Për ata që janë vetëm, yjet parashikojnë zhvillime pozitive. Në punë, do të nisni të shikoni me më shumë qetësi situatën tuaj dhe më në fund do mund të prekni rezultatet me dorë.