Flash News
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Paraqitet në SPAK, ish-ministri dhe deputeti socialist, Nasip Naço
Hoxha e pranon pas tre viteve: Rama dhe Tahiri lejuan kultivimin masiv të drogës
Gazetari Artan Hoxha i jep të drejtë opozitës, kur deklaronte se kultivimi masiv i kanabisit në 2016-ën, u bë me lejen e ‘shefave’ të qeverisë, duke përfshirë kryeministrin Edi Rama dhe ministrin e Brendshëm Saimir Tahiri. I ftuar në studion e “Top Talk”, gazetari Artan Hoxha shprehet se “Nuk e di, edhe unë i atij mendimi jam, por puna është si do ta provojmë. Ajo çfarë ka ndodhur deri në 2016-ën nuk është bërë nga ata poshtë, kjo është kategorike”, deklaron Hoxha, pa u përmendur direkt emrat e tyre.
Sipas gazetarit Hoxha, nuk mundet që thjesht një shef komisariati të lejojë të mbillen sasi të pafundme kanabisi, pasi nuk i mbulon dot.
“Një shef komisariati të lejojë të mbillen sasi të pafundme kanabisi. Nuk i mbulon dot, ne kemi monitorim nga ajri. Italianët janë këtu tërë kohës”, shprehet ai.
“Në vitin 2016, kishte çdo ditë pamje të operacioneve policore që korrin pafund kanabis. Në 2016-tën u korr 40-50% e sasisë së mbjellë. Po të mos korrej nga policia, vlera e kanabisit do shkonte se domatja. Fakti që kjo ndodhi atë vit dhe nuk ndodhi vitin pasardhës tregon se e kanë në dorë strukturat e shtetit”.