Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Me humbjen e Frankos kam humbur kuptimin e jetës”, Tefta Radi braktis Shqipërinë

Politiko 8 Qershor 2017, 12:41

“Me humbjen e Frankos kam humbur kuptimin e jetës”, Tefta Radi

Kanë kaluar thuajse tre muaj nga ndarja e parakohshme nga jeta e kantautorit Françesk Radi. Në ditën që ai u përcoll në banesën e fundit, qindra njerëz u mblodhën për t’i dhënë atij lamtumirën. Tefta Radi, bashkëshortja e tij, tashmë prej disa ditësh e transferuar në Melburn, Australi tregon se si është jeta tashmë për të dhe pengun e kantautorit.

“Me humbjen e Frankos kam humbur edhe kuptimin e jetës” thotë ajo me zërin që i dridhet… “Vdekja është e hidhur dhe e rëndë për të gjithë, pavarësisht formës se si vjen. Ne do të niseshim për në Australi. Kishim prerë biletat dhe krejt papritur çdo gjë u shkërmoq para syve tanë” thotë Radi.

Tani jetoni me djalin në Australi?

Po dhe me nënën. Për të plotësuar edhe një dëshirë të madhe të Frankos për të jetuar në një oaz të gjelbër, larg intrigave dhe dallavereve pa fund si dje dhe sot, larg uriahipëve

Ka qenë problematike Shqipëria në këtë drejtim? Besoj këtu keni edhe shumë miq…

Historikisht, ndaj dhe çalon historia e kombit tonë. Kurrë si shohim dot ngjarjet bardh e zi. Natyrisht kam shumë miq më të cilët komunikoj çdo ditë. Kaluam jetën aty, bëmë për atë vend gjithçka kishim e dinim të bënin. Vlerësimet i kemi marrë nga njerëzit e thjeshtë. Kjo u pa edhe në lamtumirën e Frankos.

Ishte i pakënaqur Franko kohët e fundit? Çfarë e mundonte?

Franko humbi vitet më të bukura dhe jo pak nga 1972, pas festivalit të 11 e deri në ‘90 kur këngët e tij u bënë hite dhe të parat videoklipe. La Tiranën dhe u nis drejt FushëArrëzit. Nuk u ankua kurrë por brenda ndërgjegjja e tij vritej nga padrejtësia dhe titujt e dhënë pa kriter më së shumti për të pa merituarit. Shumë herë thoshte: Është turp të jesh mes tyre. Bëhesh pis.

Doni të thoni që u ndje i pavlerësuar?

Nuk e ka matur kurrë vlerësimin me letra. Ngado që shkonte rrethohej nga dashuria njerëzore, po ato çka shikonte nuk e bënin indiferent. Franko nuk kërkoi kurrë dhe nga askush asgjë. Artisti matet me atë çka lë pas, emrin.

Keni ndonjë peng ne raport me të, po ai vete kishte?

Ndoshta që nuk arriti ta shkelte Australinë. Mund të kishte një trajtim tjetër shëndetësor.

Kishte vuajtur me parë nga ndonjë sëmundje apo i erdhi papritur kjo?

E papritur.

Zonja Tefta, ju jeni larguar përfundimisht nga Shqipëria?

Jam rezidente e përhershme në Australi. Natyrisht edhe do të vij. Shqipëria është zemra jonë./Gazeta Dita