Flash News
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
Komisioni i Pavarur i kualifikimit ka konfirmuar në detyrë gjyqtaren pranë Gjykatës së Apelit për Krimet e Rënda, Saida Dollani.
Inspektorati i Lartë i Deklarimit dhe Kontrollit të Pasurive e Konfliktit të Interesit ka dorëzuar një raport me konstatimin se ka kryer deklarim të saktë, ka burime të ligjshme për krijimin e pasurive, nuk ka kryer deklarim të rremë apo fshehje të pasurive.
Trupa gjykuese e KPK përbëhej nga Genta Tafa Bungo kryesuese, Valbona Sanxhaktari relatore dhe Lulzim Hamitaj anëtar. Në cilësinë e vëzhguesit ndërkombëtar ishte e pranishme Marie Tuma.
Emri i Dollanit është bërë i njohur nga procesi kundër Emiliano Shullazit.
Të pandehurit e kësaj çështjeje kërkuan përjashtimin e saj nga gjykimi, gjë që u arrit dy ditë më parë.
Gjithashtu, gjyqtarja Dollani u mor në mbrojtje në muajin maj bashkë me familjen e saj nga Policia e Shtetit, pasi ndyshohej se ishte kërcënuar nga banda e Emiliano Shullazit.
Dollani është një nga kandidatet e Gjykatës Speciale kundër Krimit të Organizuar dhe Korrupsionit, një institucion i ri i drejtësisë që pritet të ngrihet së shpejti.