Igli Tare heq dorë nga rroga: Duket sikur jetojmë film horror

Drejtori sportiv i Lazios, Igli Tare, ka rënë dakord për uljen e pagës në këto javë koronavirusi.

“Duhet ende ta mendojmë. Futbollistët tanë janë në kontakt mes tyre, por nuk kemi biseduar ende. Por, e mendoj dhe se shumë shpejt edhe ne drejtuesit dhe stafi do të shkurtojmë rrogat ose do t’i presim fare”, ka thënë ish-sulmuesi shqiptar.

“Duket sikur jetojmë një film horror. Në fillim gjithçka u mor pak lehtë. Tani nuk flasim për vetëm një situatë, por një luftë. Nëse sheh kamiona ushtarakë me arkivole e kufoma brenda tyre, atëherë mbetesh i shokuar, pa fjalë. Dhe numri i të vdekurve çdo ditë është i tmerrshëm, pa fajlë! Kjo është një katastrofë dhe shkatërrim për gjithë vendin”.