Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ilir Meta pranon vetëm dorëheqjen e Ajazit jo shkarkimin e tij

Politiko 31 Tetor 2017, 20:41
Ilir Meta pranon vetëm dorëheqjen e Ajazit jo shkarkimin e tij

I ftuar në ‘Fakt” Presidenti Ilir Meta ka folur në lidhje me dorëheqjen e Visho Ajazit.

Ai është shprehur se e ka dekretuar lirimin e Ajazit nga detyra por ende nuk ka dekretuar emërimin e ri, pasi e konsideron si diçka jo të ngutshme.

Ndërsa për sa i përket pyetjes nëse ai do ta mbronte Visho Ajazin nëse ajo dorëheqje ishte si pasojë e shantazheve dhe kërcënimeve, Meta u shpreh se para një jave i ka premtuar ish-shefit të SHISH mbështetjen e tij absolute

“Mund t’ju them që vetëm një javë më parë e kam siguruar z. Ajazi që ai do të kishte përkrahjen time të plotë si President i Republikës për të vazhduar detyrën e tij, gjithmonë duke u përqendruar me përkushtim në luftën kundër terrorizmit, në luftën kundër krimit të organizuar dhe natyrisht në përmbushje të detyrave të tjera që ka Shërbimi Informativ. Dhe ai më ka falënderuar për besimin. Kjo ka qenë thjesht për të konfirmuar një vazhdimësi, duke pasur në konsideratë edhe komentet e ndryshme mediatike që janë të zakonshme.

Jo vetëm kaq, por edhe i kam konfirmuar që publikisht kur ta kisha një mundësi për t’u shprehur do të bëja qëndrimin tim publik në këtë drejtim, jo thjesht për z. Ajazi, pasi këtë garanci, mbështetje e ka pasur, por më shumë sa i takon efektivit të shërbimit informativ në terren në mënyrë që ata të vazhdonin detyrat e tyre sipas ligjit”,- deklaroi Meta.

Nëse Rama i ka kërkuar më parë Metës që të lironte nga detyra Visho Ajazin , Meta është përgjigjur se nuk ka pasur një kërkesë të tillë.

“Dua t’u them se z. Rama nuk ma ka kërkuar një gjë të tillë. Për herë të parë i vetmi kontakt me z. Rama për këtë çështje ka qenë dje, kur ai më ka sjellë dorëheqjen e z. Ajazi bashkë me kërkesën e tij për lirimin e z. Ajazi”,- tha Presidenti Meta.

 

Të fundit