Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Incidenti në Divjakë, gazetarja e Top Channel: RENEA po dështon në mënyrë spektakolare

Politiko 15 Shtator 2018, 20:59

Incidenti në Divjakë, gazetarja e Top Channel: RENEA po dështon

Incidenti i shënuar ditën e djeshme në Divjakë gjatë një aksioni nga forcat RENEA për kapjen dy personave të shumëkërkuar ka ngjallur reagime të shumta. Një i moshuar mbeti i plagosur në kokë ndërsa flinte në banesën e tij rreth orës 04.00 të mëngjesit, pasi plumbat kanë depërtuar murin e banesës dhe e kanë kapur atë në kokë.

Ndonëse policia deklaron se i moshuari doli në dritare dhe ka gjuajtur në drejtim të policisë, familjarët e hedhin poshtë në mënyrë kategorike këtë version.

Nga ana tjetër, gazetarja e njohur e Top Channel, Anila Hoxha, e cila pasqyron vazhdimisht ngjarje të këtilla, shkruan në një status në ‘Facebook’ se RENEA po dështon kohët e fundit në mënyrë spektakolare.

Ajo sqaron se RENEA është një skuadër që shërben për arrestimin e kriminelëve të rrezikshëm dhe incidenti i djeshëm nuk ishte aspak normal.

Statusi i plotë:

RENEA...

Perse del RENEA?

1. Per te goditur dhe arrestuar grupe kriminale te rrezikshme, te shume kerkuar te rrezikshmerise se larte dhe per te neutralizuar pengmarrje apo rrembime personash

2. Kur del ?

Per shkak te pergatitjes se vecante, djemte e RENEAs dalin vetem atehere kur asnje nga strukturat e tjera si policia kriminale, rendi dhe Forcat e nderhyrjes se shpejte nuk mund te kene nen kontroll situaten . RENEA nuk del per te arrestuar nje hajdut xhepash, per te gjetur nje pistolete pa leje apo per te kontrolluar mjete pa dokumenta

3. Kush e nxjerr nga reparti RENEAn ?

RENEA del vetem me urdher te Drejtorit te Pergjithshem te Policise se Shtetit, dalja nga reparti i tyre eshte i befasishem dhe nuk mund te behet shoë kur specialet nderhyjne. Identiteti i specialeve duhet te jete i mbuluar me maske

Me ke nderhyjne?

Ata nderhyjne vetem dhe cdo grup ka ne perberje snajper. Gjithmone ne rastet e nderhyrjes se specialeve, informacioni i policise baze qe eshte policia kriminale, duhet te jete i sakte. Nuk mund te ndodhe te jepet adresa e shtepise se X aksidentalisht dhe pa dashje, nderkohe qe aty nuk ndodhet objektivi

Keto pyetje i kam trajtuar me raste konkrete vite me pare ne Exlusive per te treguar se perse forcat RENEA jane elita e policise shqiptare. Pa minimizuar aspak rendesine e cdo segmenti tjeter ne polici. RENEA kohet e fundit po deshton ne menyre spektakolare. Dhe kjo nuk eshte normale. Kush po i nxjerr forcat elitare pa informacionin e duhur, kur ata duhet te kthehen ne Tirane me te shume kerkuar ne pranga .Perse po eleminohet RENEA, nga nje repart elitar po kthehet ne forcat Shqiponja te dikurshme qe merrej dikur me te gjitha por me asgje ne thelb