Të tjera detaje kanë dalë në dritë pas ngjarjes tragjike sot në fshatin Resulaj në qytetin e Vlorës ku një 24-vjeçar i mori jetën 8 të afërmëve të tij me armë zjarri.
‘News 24’ mëson se pak para ngjarjes Ridvan Zykaj ishte në një drekë me familjen. Dyshohet se ai në momentin që ka kryer vrasjet ka qenë në gjendje të dehur.
Mësohet se i riu kishte zënka të vazhdueshme me të afërmit e tij për motive të dobëta, megjithatë nuk përjashtohet pista e konfliktit për pronën.
Zykaj është aktualisht në arrati, duke mbajtur në panik të gjithë zonën e Selenicës, pasi policia lajmëroi se është i armatosur.
Discussion about this post