Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

INSTAT kundër OKB-së: Përdorim një metodologji ndryshe, numri i të ikurve ka rënë

Politiko 15 Janar 2020, 17:22
INSTAT kundër OKB-së: Përdorim një metodologji ndryshe,

Instituti i Statistikave (INSTAT) reagoi pas publikimit të raportit të OKB-së, referuar të cilit Shqipëria po shpopullohet dhe deri në vitin 2100 numri i banorëve të vendit nuk do të shkojë më shumë se 512 mijë banorë. Sipas kësaj organizate pas 80 vjetësh do të jetojnë në vend afërsisht 1/6 e popullsisë aktuale. Drejtoresha e Statistikave Majlinda Nesturi, sqaroi se institucioni përdor një metodologji ndryshe nga ajo e përdorur nga organizata e kombeve të Bashkuara.

“Shifrat tregojnë që numri i emigrantëve që largohen nga vendi ka ardhur në rënie. Në vitin 2011 nga 55 mijë shqiptarë mijë që linin vendin ka arritur në 38 mijë në 2018. Shoh një trend pozitiv të të kthyerve që do të thotë numri i shqiptarëve që kthehen në vend po rritet dhe ne për të parë impaktin në popullsi nuk mund t’i referohemi vetëm emigrantëve apo imigrantëve duhet patjetër që këto të dy elementë t’i shikojmë të bashkuar dhe të shikojmë komponentin e emigracionit neto, pra diferenca midis emigrantëve dhe imigrantëve”, deklaron Nesturi.

INSTAT e pranon se ka edhe një rënie të lindshmërisë, ndërsa projeksionet e veta i bën për një periudhë 30 vjeçare.

“Në vitin 2031 ne projektojmë që popullsia të jetë 2.92 milionë banorë. Sipas variantit të ulët që supozon nëse lindshmëria do të ulet dhe emigracioni do të rritet INSTAT projekton që në vitin 2031 popullsia të shkojë 2.59 mln. Ndërkohë që varianti i mesëm që është midis dy varianteve të lartë dhe të ulët dhe që ne sugjerojmë që është edhe variant më i mundshëm, në vitin 2031 popullsia e Shqipërisë nga 2.86 mln që është në 2019 do të shkoj në 2.75 milionë”, tha Nesturi.

Një ditë më parë Organizata e Kombeve të Bashkuara raportoi se sipas projeksioneve të saj, në vitin 2100 Shqipëria rrezikon të mbetet një vend me vetëm 512 mijë banorë.

Të fundit