Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Intifada anti-Basha mbyllet me bojkot

Politiko 22 Korrik 2017, 10:32
Intifada anti-Basha mbyllet me bojkot

Nga Alfred Lela

'Shpartallimi' ka qenë një prej fjalëve përshkruese të grupit anti-Basha, në kryqëzatën për të demontuar, si figurën personale, aq edhe profilin e tij politik. 'Do ta shpartalloj Bashën për 30 sekonda', pat thënë Patozi në Opinion. "Shpartallimi i strukturave çoi në humbjen e thellë te PD', tha dje Ritvan Bode.   

Basha. Basha. Basha.                                         

Shpartallim. Shpartallim. Shpartallim.                    

Mbi kryetarin e PD ranë gurët dhe shigjetat e një muaji, që atij ndoshta i është dukur i gjatë sa një vit. Por, duke heshtur, duke mos u dalë në shteg e pritë, dhe as duke u dhënë betejë, ai dëshmoi se i mundi politikisht dhe se do t’i kishte mundur edhe në garë.                                  

Pse kështu?                                                          

Sepse motori i kundërshtarëve të Bashës ka punuar gjatë gjithë kësaj kohe me më të keqen e lëndëve djegëse: zemërimin. Zemërata është një këshilltare e keqe, sidomos në politikë. Grupi anti-Basha, qe, në masën më të madhe, një intifadë zemërate pa kah e thelb politik. Disa prej tyre u mjaftuan me zemërimin dhe, grarisht e naivisht, nuk formuluan asnjë mendim, qëndrim a tezë. Disa të tjerë, skënderbegshëm, artikuluan jo më shumë se tezën rozë dhe poroze të bashkimit (që bën fuqinë).                                  

Të tjerë folën për humbjen dhe nevojën akute të analizës duke shprehur pazotësinë e pranimit se dëshira apo qëllimi i analizës është akute, por kriza vetë është kronike.                                           

Të parët, të zemëruarit, nuk kanë nevojë për përgjigje. Ata ishin për Bashën dhe PD si fluturat e dritës rreth llampës elektrike. Fati i tyre përplotësohet te këmbëngulja për tu djegur.                           

Të dytët, përbashkuesit, qenë, dje e gjithë kohën në hipokrizi. Ata, në fakt po kërkonin avantazhin e kundërshtarit, jo barabitjen. Bashkim për ta ishte takimi në 'pikën e vdekur' të humbjes së 2017. Por, ata nuk pranonin të niseshin nga pika gjithaq e vdekur e zgjedhjeve të 2013.           

Ia kishin taksur supeve dhe zemrës politike të Sali Berishes Vaterlonë e herës së parë.                                                                                                                              

Bashkim në politikë do të thotë edhe përjashtim. Këtë provuan, bash vetë, ideatorët dhe promotorët e bashkimit. Kur shpallën dje se do të bojkotonin zgjedhjet e 22 korrikut. Kur anatemuan Eduard Selamin që zemëratën e ktheu në veprim politik.                                                                   

Basha. Basha. Basha.                                          

Bojkot. Bojkot. Bojkot.                                          

Ky pra qe mendimi politik i intifadës: Të pabashkuar ndër veti dhe kërkues të bashkimit te e tëra. Të shkuar sa i takon kohës politike dhe e ardhme si zemërim.

Të fundit