Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Ish-deputeti: Lefter Alla, modeli që ka ofruar Edi Rama për qeverisjen e gjithë vendit
Ish-deputeti demokrat Xhemal Gjunkshi, i është bashkangjitur reagimeve për kryebashkiakun e Bulqizës, që akuzohet se konsumoi kokainë në një ambient publik.
Ashtu si demokratët e tjerë edhe Gjunkshi kërkon dorëheqjen e Allës si kryebashkiak, teksa vijon me akuzat për kryeministrin Rama se po hesht për rastin në fjalë.
Ish-deputeti përmend në reagimin në Facebook, se PD ka denoncuar vazhdimisht rastet korruptive në qeveri, si shitblerja e votave në Dibër.
“Heshtje dhe indiferentizëm pas transmetimit të videos shokuese të transmetuar në ABC TV, ku shihet Kryebashkiaku i emëruar nga Edi Rama në Bulqize Lefter Alla duke thithur lëndë narkotike, kokainë, në ambient publik, ne grup, si neper narko - filma.
Rasti i Lefter Alles, është modeli që ka ofruar Edi Rama për qeverisjen e gjithë vendit, e veçanërisht të Qarkut Dibër.
Kemi denoncuar në prokurori me fakte, me zë e figure përfshirjen e strukturave shtetërore, veçanërisht të Policisë se Shtetit në blerjen e votave në zgjedhjet e vitit 2016 dhe ato të vitit 2017”, shkruan Gjunkshi.
Nga ana e tij kryebashkiaku Alla mohon akuzat, duke pretenduar se e gjitha është një video-montazh sajuar nga PD.
Ndërsa pasi doli sot nga prokuroria ku u thirr për të dëshmuar, Alla nuk pranoi të prononcohet.