Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ish-ministrja e Arsimit: Universitetet në ditë të zeza, studentët të mos tërhiqen deri në largimin e qeverisë

Politiko 7 Dhjetor 2018, 18:43
Ish-ministrja e Arsimit: Universitetet në ditë të zeza,

Ish-ministrja teknike e Arsimit, Mirela Karabina nuk i fsheh emocionet, që i dhuroi protesta e studentëve në këto 3 ditë tubimi të të rinjve shqiptarë përballë Ministrisë së Arsimit.

“Jam ndjerë sa e emocionuar, e tronditur, po aq edhe e lumtur, që më në fund studentët ngrihen për të drejtat e drejta të tyre. Reagimi i Ministrisë së Arsimit ka qenë tejet mjeran”.

Ish-ministrja teknike e Arsimit Mirela Karabina drejton gishtin e përgjegjësisë drejt Lindita Nikollës për situatën e rëndë në të cilën ndodhet arsimi në vend. Protestën e studentëve e konsideron legjitime, në kushtet kur reforma e arsimit të lartë, sipas saj ka dështuar.

“Ministria e Arsimit është ajo që e ka drejtuar gjithë këtë rrënim, që po kalon arsimi i lartë. Për këto që janë ngritur studentët, unë mendoj që nuk përçahen dot më. Ato kanë plotësisht të drejtë në të gjitha kërkesat. Janë në gjendjen më të keqe, që nuk ka qenë ndonjëherë arsimi i lartë”.

Duke folur për IN Neës, Karabina jep edhe arsyet, se përse studentët sot duhet të protestojnë e kjo nuk lidhet vetëm me tarifat sipas saj.

“Në kuadrin e reformës në arsimin e lartë, arsimi ka shkuar në ditët më të këqija. Të shkosh në auditorët tona në universitete, duket sikur ke shkuar shumë vite pas, pasi nuk ofrojnë absolutisht, përveç auditorëve, studentëve tanë i mungojnë të gjitha mjetet, të gjitha format e duhura, që ata të marrin një arsimim cilësor”.

Protesta duhet të vijojë deri në largimin e kësaj qeverie, sugjeron ish-ministrja e Arsimit, Mirela Karabina.

“Unë personalisht nuk e shoh më zgjidhjen tek kjo qeveri. Kjo qeveri nuk mund të bëjë zgjidhje, prandaj këta studentë, jo vetëm duhet të ngrihen, por patjetër duhet ta çojnë deri në fund për këto që janë ngritur”, ka përfunduar ajo.

Të fundit