Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ish- të përndjekurit politik, Tabaku: Vendimi i Ahmetaj është poshtërim për ta

Politiko 17 Janar 2018, 12:56

Në një konferencë për mediet, deputetja e Partisë demokratike Jorida Tabaku është shprehur se qeveria e Ramës nuk ka vullnet për të dëmshpërblyer ish- të përndjekurit politik, pasi sipas paratë nuk mungojnë, duke sjellë kështu në kujtesë rastin e palmave në autostradë, djegien e mbeturinave si dhe konçesionin e check up-it në shëndetësi.

Deputetja e PD-së shprehet se vendimi i ministrit Ahmetaj për të mos i dëmshpërblyer është një poshtërim për të përndjekurit.

“Në këto 4 vjet qeveria e Edi Ramës: Uli me e 3.2 mld lekë fondin për kompensimin. Ndryshoi skemën e kompensimit duke shpikur pengesa për të vonuar dëmshpërblimin. Hoqi bursat që u jepej familjeve të pasardhësve. Largoi nga puna familjarët e të persekutuarve vetëm për shkak të prejardhjes së tyre, duke zbatuar luftën e klasave njësoj si paraardhësit e regjimit komunist.

Të mos dëmshpërblesh trashëgimtarët e ish-të përndjekurve politikë, të cilët kanë vuajtur, janë dënuar, kanë humbur të drejtat e studimit, janë dëbuar, poshtëruar dhe torturuar njësoj si prindërit dhe të afërmit e tyre të burgosur politikë do të thotë se nuk ndryshon nga Enver Hoxha.

Partia Demokratike nuk mundi të shlyejë detyrimin e plotë financiar ndaj të gjithë të përndjekurve, sepse ne vendosëm dëmshpërblimin më të madh të mundshëm për ta. Por nga viti 2009 deri në vitin 2013, me 9.3 milliard lekë u dëmshpërblyen 62 mijë e 269 ish të persekutuar dhe familiarë të tyre. Pas vitit 2013 qeveria ka dëmshpërblyer financiarisht 43 mijë të përndjekur më pak.

Sot, ajo ka ngrirë fondin e dëmshpërblimit duke planifikuar përjashtimin e 13 mijë familjeve, të cilëve ligji u jep të drejtën e dëmshpërblimit.

Qeveria nuk po e bën këtë jo se nuk ka para, por se nuk ka vullnet.

Qeveria ka para, sepse këtë vit ka paguar 74 milionë euro për 3 djegësit e plehrave, pas të cilëve qëndrojnë Edi Rama dhe Arben Ahmetaj.

Qeveria ka para, sepse këtë vit do të paguajë 2.5 milionë euro për palmat e autostradës.

Qeveria ka para, sepse vetëm për konçesionin e dështuar të check up-it në shndetësi do të paguajë këtë vit 5 milionë euro.

Këta kanë para, por këta i përbuzin ish të përndjekurit e rregjimit të sunduar nga etërit biologjikë dhe ideologjikë. Njësoj vepruan edhe me ligjin e ri të kthimit te pronave.

Është po e njëjta bandë që dikur i dënonte, ndërsa sot paratë dhe detyrimin që ne si shoqëri dhe si shtet kemi ndaj tyre, ua mohon. E njëjta bandë që dikur nderonte Traktatin e Varshavës ndërsa sot maskohet si europiane.

Ishin po këta që rrëzuan amendamentin e Partisë Demokratike në dhjetor, kur kërkuam rritjen e fondit për të përndjekurit politikë.

Gjej rastin, të ftoj çdo të përndjekur politik për t’iu bashkuar opozitës në protestën e 27 Janarit.

Sot, njësoj, si dikur, demokracia dhe liria jonë janë në rrezik!

Ata që sot po ju heqin dëmshpërblimin e merituar, janë ata që ju dënuan dhe ju internuan! Është narko enverizmi!

Askush prej nesh nuk duhet të harrojë!", u shpreh Jorida Tabaku.