Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

ISHP: Janë testuar 8 raste të dyshuara me coronavirus në Shqipëri, rezultuan negative

Politiko 25 Shkurt 2020, 11:23
ISHP: Janë testuar 8 raste të dyshuara me coronavirus në

Tetë raste janë analizuar në Shqipëri si të dyshuara me virusin Covid-19, por të gjitha kanë rezultuar negative.

Ky fakt është konfirmuar nga Eugena Tomini, specialiste e sëmundjeve infektive pranë ISHP-së në një deklaratë për mediat.

Sipas Tominit, edhe në orët në vijim nuk ka patur asnjë rast të dyshuar, ndërsa sqaroi se çdo linjë e udhëtarëve nga Italia, si një nga zonat më të prekura nga virusi kinez monitorohet sipas rekomandimeve të OBSH.

“Udhëtarët që janë vlerësuar në pikat portuale kanë marrë masat për vetëkarantinim, vetëm nëse ka dyshime nga shenjat klinike dhe vijnë nga zonat e infektuara si psh Lombardia, jo nga e gjithë Italia. Janë vlerësuar ne nivel kombetar rreth 4300 raste në aeroport në 30 orët e fundit ”, tha specialistja.

E pyetur se sa persona të vetëkranatinuar janë nën monitorim, specialistja sqaron se “Triazhimi telefonik nga urgjenca kombëtare në numrin 127 bëhet për të gjithë udhëtarët në bazë të kërkesave e informacioneve që kërkojnë për vlerësimin e situatës klinike të tyre. Ata marrin sugjerimin e duhur nga qendra kombëtare dhe pikat kufitare për të qëndruar në shtëpi nëse kanë probleme shëndetësore që janë evidentuar pas kalimit kufitar”.

Po ashtu, e pyetur edhe për pajisjet e oksigjenimit, që së fundmi është përfolur se nuk janë të mjaftueshme në shërbimet mjekësore shqiptare, Tomini thotë se ka kapacitete të plota për të përballuar situata që mund të shfaqet nga virusi. “Kemi dyfishim të respiratorëve që përballojnë kapacitetet e nevojshme”, thotë specialistja e ISHP.

Tomini përsëriti për qytetarët masat parandaluese.

“Qytetarët duhet të shtojnë masat sanitare personale  që janë larja e shpeshtë e duarve, përdorimi i një shami letre dhe eliminimin në kosh sa herë teshtimë apo kollitemi, përdorimi i këndit të bërrylit në çdo rast, të minimizojmë prekjen me dorë të hundës gojës apo syve, të minimizojmë grumbullimet masive apo ambientet e mbyllura”, thotë ajo.

Të fundit