Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Itali, policia arreston djalin e bosit të mafies kalabreze dhe tre shqiptarë

Politiko 17 Shtator 2017, 17:15

Djalin e bosit të mafies kalabreze të familjes Pompeo, së bashku me 3 shtetas shqiptarë janë arrestuar nga  Policia italiane mbrëmjen e së premtes (15 shtator)

Arrestimi u krye në flagrancë në lagjen e Bruzzanos, në zonën veriore të qytetit të Milanos. Akuza ndaj tyre është pjesëmarrje në aktivitet kriminal me qëllim trafikun e lëndëve narkotike e shpërndarjen e kartëmonedhave euro false.

I arrestuari italian Luigi Pompeo 42 vjec është djali i Rocco Agostino Pompeo, bosi i klanit mafioz kalabrez Pompeo e një nga familjet historike të Ndraghetas me veprim në qytetin e Milanos.

Së bashku me të janë arrestuar dhe 3 shtetasit shqiptarë ;

Eduard Korkaj, 31 vjeç, Anxhelo Malollari, 30 vjeç  dhe Igli Malollari, 18 vjeç.

Tre të arrestuarit shqiptarë janë të njohur e të dënuar më parë nga drejtësia italiane për vepra të ndryshme penale.

Kjo bandë kriminale e kishte bazën në lagjen  Bruzzano, në apartamentin e një të moshuari që kishte ndërruar jetë dhe nuk kishte trashëgimtarë.

Gjatë arrestimit policia italiane u ka sekuestruar  88 kartëmonedha false të prerjes 100 euro, 242 kartëmonedha false të prerjes 50 euro, 51.1 kg marijuanë, një pistoletë browning e kalibrit 7.65 dhe disa municione.

Të fundit