Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Itali/ Vazhdojnë negociatat për krijimin e qeverisë së re italiane

Politiko 30 Gusht 2019, 21:31
Itali/ Vazhdojnë negociatat për krijimin e qeverisë së re

Partia italiane, Pesë Yjet informoi se përpjekjet për të krijuar koalicion me Partinë Demokratike të qendrës së majtë, ende ka mundësi të dështojnë.

Drejtuesi i kësaj partie, Luigi Di Maio, ka thënë se “ne ose do të arrijmë marrëveshje që bazohet në pikat e programit tonë, ose do të ndalemi këtu”, raporton REL.

Nëse Partia Demokratike, e cila ka qenë armike e Lëvizjes Pesë Yjet vetëm disa javë parë, nuk pajtohet me kërkesat kyçe të Lëvizjes atëherë “do të jetë më mirë që të kthehemi te kutitë e votimit sa më shpejt që është e mundur”, ka thënë Di Maio.

Paralajmërimet e tij kanë ardhur pas disa konsultimeve me kryeministrin teknik, Giuseppe Conte, të cilit i është kërkuar që të formojë qeverinë e re, pas shpërbërjes së koalicionit populist të Italisë më herët gjatë këtij muaji.

“Ne nuk jemi duke shikuar për një qeveri sa për të thënë, ne konsiderojmë se disa prej pikave tona të programit janë të domosdoshme”, ka thënë ai.

Reagimet e Partisë Demokratike kanë qenë të shpejta, pasi Graziano Delrio, ka insistuar se partia “është e përkushtuar që me besnikëri të mbështesë përpjekjet e kryeministrit Conte. Këto përpjekje kanë kthyer besimin në Itali”.

“Ultimatumet e Di Maios ndaj kryeministrit tenik janë plotësisht të papranueshme”, ka thënë ai.

Të fundit