“Jep të holla që Amazona të digjet”, presidenti i Brazilit akuza Di Caprios

Leonardo Di Caprio

Pas zjarreve të muajit gusht të këtij viti, ku pylli tropikal i Amazonës u përfshi nga zjarret masive duke u djegur një pjesë e konsiderueshme e tyre, president i Brazilit, Jair Bolsonaro, akuzoi aktorin me famë botërore, Di Caprio-n, për çështje që kanë lidhje me financimin e djegies së pyjeve të Amazonës.

Bolsonaro, i cili është zotuar se do të dëbojë nga Brazili organizatat joqeveritare për mbrojtjen e mjedisit, ka akuzuar vazhdimisht aktorin Hollywoodian por pa pasur fakte konkrete.

“Ky Leonardo Di Caprio është djalë i mirë apo jo? Ai jep të hodha që Amazona të digjet. Djalli e marrtë, ti je duke bashkëpunuar për djegien e Amazonës”, është shprehur ai.

Kjo akuzë e presidentit brazilian erdhi pas një postimi të tij në Facebook ku e akuzonte sërish pa fakte Leonardon, duke shtuar se aktori me famë botërore është pjesë e një fushatë ndërkombëtare kundër Brazilit.

Kujtojmë se kur zjarret e Amazonës u përhapën masivisht në muajin gusht, Leonardo premtoi se me anë të fondacionit të tij do të dhuronte 5 milionë dollarë amerikan për shpëtimin e katër pyjeve më të rëndësishme për ekosistemin e Amerikës Jugore.