Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Jo politikë", Albana Vokshi nuk stepet: Jam me studentët!

Politiko 15 Dhjetor 2018, 16:19
"Jo politikë", Albana Vokshi nuk stepet: Jam me studentët!

Ndonëse studentët shprehen se në protestën e tyre nuk duan që të përfshihen politikanët, megjithatë Albana Vokshi nuk ka hezituar për t’iu thënë se është me ata.

Sot, në Kuvendin Kombëtar të PD arsimit, rinisë dhe studentëve, Vokshi nga podiumi u shpreh: “Dua të them pa u kompleksuar nga askush: Unë jam me studentët! Unë sot jam studente! Të gjithë ne në këtë sallë jemi me studentët!”. Më tej, Vokshi shprehu mirënjohje për të rinjtë, për të cilët u shpreh se  kanë marrë rolin e kujdestarëve të demokracisë.

“Si nënë e dy vajzave të mia të vogla, ju falenderoj që po u tregoni shqiptarëve se nuk pritet lëmoshë për të drejta themelore, por luftohet pa kompromis për to. Faleminderit për rikthimin e asaj çka kishte humbur prej vitesh në Shqipëri: shpresës! Ju jeni vetë shpresa!”- tha Vokshi nga foltorja e Kuvendit të PD.

Vokshi, kryetare e Komisionit të Arsimit, tha se PD i konsideron legjitime 8 kërkesat e studentëve, por vuri në dukje se thelbi dhe burimi i të keqes në arsim është ligji i Arsimit të Lartë, të cilin PD do të shfuqizojë. Ajo shtoi se për qeverinë e Edi Ramës arsimi nuk ka qene kurrë prioritet dhe se në 5 vjet buxheti për arsimin ka pësuar ulejn më të madhe në këto 30 vjet, 28 % rënie, krahasuar me vitin 2013.

Vokshi tha se nuk është rastësi që 133 mijë nxënës dhe studentë kanë braktisur shkollën dhe brenda një viti u mbyllën 228 shkolla. “Ku mbyllet një shkollë, hapet një burg. Shqipëria zë vendin e parë në rajon për numrin e të burgosurve të moshës së re nga 16 – 35 vjeç.”- u shpreh depuetja, e cila akuzoi Ramën se e ardhmja që po ndërton Edi Rama është prapambetja, lënia në mjerim e sistemit arsimor të vendit, luksi për vete dhe projektet korruptive.

“Edi Rama do të shpenzojë 48 milionë euro për 2,2 kilometra zgjerim rruge dhe vetëm 30 milionë euro invetime për të gjitha shkollat e Shqipërisë.”-tha Vokshi. Më tej deputetja tha se për PD arsimi është prioritet kombëtar ndaj duhet të financohet në vitet e para  5 % e PBB dhe brenda 10 viteve të arrihet standardi i vendeve të zhvilluara të BE.

Të fundit