Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Juliana Hoxha kallëzon ministrin e Drejtësisë

Politiko 13 Qershor 2017, 20:02

Juliana Hoxha kallëzon ministrin e Drejtësisë

Juliana Hoxha Sekretarja e Përgjithshme e ministrisë së Drejtësisë , ka depozituar kallëzim penal ndaj ministrit Gazmend Bardhi pasi ky i fundit e ka shkarkuar atë nga detyra në kundërshtim të ligjit dhe nuk e ka lejuar atë të hyjë në institucion.

Në një reagim, Hoxha thotë se e akuzon për konsumimin e veprës penale të “shpërdorimit të detyrës” dhe “kundershtim të punonjësit që kryen një detyrë shteterore ose një shërbim publik e kryer në bashkëpunim”.

Reagimi i Jualian Hoxhës

Duke marrë shkas nga situata e krijuar së fundmi në Ministrinë e Drejtësisë, nën përgjegjesinë e detyres sime si Sekretare e Përgjithshme, si dhe në respekt të opinionit publik deklaroj se: Departamenti i Administrates Publike( i vetmi organ i ngarkuar me ligj per tu shprehur lidhur me kerkesen e Ministrit teknik te Drejtesise per pezullimin tim) ka vendosur rrëzimin e kërkesës së këtij të fundit për pezullimin tim nga detyra. Duke konstatur njëkohësisht pavlefshmerinë absolute të urdhrit të pezullit dalë prej tij.( Pavlefshmeria absolute e konsideron aktin pa efekte juridike qe nga nxjerja e tij). Pra akti i nxjerrë nga Ministri teknik i Drejtesise është i kundraligjeshem.

Gjithashtu Komisioneri për Mbikqyrjen e Shërbimit Civil si organi kompetent për monitorimin e zbatueshmërisë së ligjit të nëpunesit civil ka konstatur se urdhri i Ministrit teknik të Drejtësisë është i paligjshem dhe për rrjedhoj i pavlefshem. Diten e henë sipas detyrimeve te mija si nenpunese publike jam paraqitur në zyre duke vijuar përmbushjen e detyrave të mija funksionale. Gjate ditës jam informuar se kanë mbërritur në institucion forca të shumta të policise se Drejtorisë së Pergjithshme me qellim pengimin e ushtrimit të detyres sime. Ndodhur në këto kushte, përball një situate alarmante antiligjore kam depozituar pranë Prokurorisë së Pergjithshme kallëzim penal për konsumimin e veprës penale të “shpërdorimit të detyrës” dhe “kundershtim të punonjësit që kryen një detyrë shteterore ose një shërbim publik e kryer në bashkëpunim” për Ministrin teknik të Drejtësisë dhe personat e tjerë përgjegjës( shoqëruar me dokumentacionin përkatës)

Pretendimi i Ministrit teknik të Drejtësisë së për të ushtruar detyrën time që me ngarkon ligji paskerkam nevojë për autorizimin e tij përbën minimumi injorance juridike dhe normalja veper penale.

Krijimi i kësaj situate antiligjore nga Ministri teknik i Drejtesisë në Ministrinë e Drejtësisë së Republikes së Shqiperisë, në vlerësimin tim sjell pasoja të renda dhe cenon ne menyre flagrante funksionimin normal të institucionit. Angazhohem publikisht së do të vazhdoj me vendosmëri kundërshtimin e çdo veprimi arbitrar dhe të paligjeshëm të Ministrit teknik të Drejtësisë pranë organeve kompetente.