Juncker zbulon se kur integrohen Serbia dhe Mali i Zi në BE 

Serbia dhe Mali i Zi mund të bëhen anëtare të Bashkimit Europian para vitit 2025.

Deklarata është bërë nga Presidenti i Komisionit Evropian, Jean-Claude Juncker, raporton “Tanjug”, e cila citon zyrtarin e BE-së sipas të cilit, mendonte që “Serbia dhe Mali i Zi do të bëhen anëtare të BE-së para 2025-ës”.

Presidenti i Komisionit Evropian është takuar me kryeministrin bullgar Bojko Borisov dhe ka deklaruar se, është i kënaqur me qëllimin e Bullgarisë për të vendosur integrimin e vendeve të Ballkanit Perëndimor në mesin e përparësive gjatë presidences së saj të BE-së, në gjysmën e parë të vitit të ardhshëm.