Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Juventus – Real Madrid, analiza ekonomike e dy skuadrave finaliste të Champions League

Politiko 2 Qershor 2017, 10:16

Mbrëmja e 3 qershorit do të njohë Kampionen e re të Europës. Në Kardif do të zbresin në fushë Real Madrid dhe Juventus.

Spanjollët do të synojnë ta fitojnë këtë trofe për herë të 12, ndërsa Juventus rikthehet në finale pas asaj të humbur përballë Barcelonës në vitin 2015.

Këto ditë janë ezauruar parashikimet dhe komentet se cila është skuadra favorite, por në fund të fundit, për të dyja skuadrat është ndeshja e vitit.

Më poshtë bëhet analizë nga një këndvështrim tjetër: cila është skuadra më e fortë nga pikëpamja e vlerës ekonomike të futbollistëve.

Për këtë analizë i jemi referuar platformës PlayRatings për të marrë informacionet për futbollistët për skuadrat respektive.

Shihet se vlera absolute e Real Madrid është 629,5 milionë euro, ndërsa e Juventusit “vetëm” 455 milionë euro.

Nga shifrat e mësipërme, Real Madrid duket favorit, por le të shohim në mënyrë më të detajuar vlerat e reparteve të dy skuadrave.

Nëse marrim në analizë portierët e të dy skuadrave, vlera e përgjithshme e portierëve juventinë është më shumë se dyfishi i atyre madrilenë. Vlera e portierëve të Juventus i kalon 28 milionë eurot, ndërsa ajo e portierëve të Realit është pak më shumë se 11 milionë euro.

Edhe në repartin e mbrojtjes, Juventus ka një vlerë superiore krahasuar me Real Madrid. Mbrojtja e Juventus vlen më shumë se 125 milionë euro përballë 117 milionë të mbrojtësve të Real Madrid.

Edhe pse merren në konsideratë për analizë vetëm katër mbrojtësit e parë, mbrojtja bardhezi kryeson. Bonucci (30.1), Alex Sandro (25.4), Rugani (20.1) dhe Chiellini (14.6) vlejnë më shumë se Marcelo (25.7), Sergio Ramos (23), Carvajal (17.2) dhe Varane (17.1).

Ndryshimin e vërtetë në terma shifrash mes dy skuadrave e përbën reparti i mesfushës. Mesfushorët e Realit vlejnë 297 milionë euro, ndërsa ata të Juves 98 milionë euro.

Sa i përket repartit të sulmit, situata është e ekuilibruar – 203,7 milionë euro për Real Madrid dhe 204,2 për Juventus.

Duke lexuar këto shifra mund të mendohet se në thelb kjo është një ndeshje e balancuar nga pikëpamja ekonomike, me një diferencë të madhe në mesfushë. Kjo nuk vjen për shkak të numrit të mesfushorëve (nëntë të tillë për të dyja skuadrat) por mbi të gjitha për shkak të vlerës mesatare të futbollistëve – tetë mesfushorë të Realit të Madridit vlejnë më shumë se 10 milionë euro për klubin, ndërsa vetëm tre mesfushorë të Juventus vlejnë më shumë se 10 milionë.

Lojtarët që vlejnë më shumë për të dyja skuadrat janë: Gareth Bale (109.1 milionë), Cristiano Ronaldo (108.6 milionë) dhe Karim Benzema (67.8 milionë) për Real Madridin, ndërsa Paulo Dybala (97 milionë), Gonzalo Higuain (74.4 milionë) e Miralem Pjanic (30.2 milionë) janë futbollistët më të shtrenjtë të Juventus.

(Monitor)