Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kafeina lehtëson por edhe mund të shkaktojë dhimbjen e kokës

Politiko 24 Janar 2019, 18:16

Kafeina lehtëson por edhe mund të shkaktojë dhimbjen e kokës

Ndonjëherë, secili prej nesh ankohet nga dhimbja e kokës. A keni menduar se ndoshta kafeina mund të jetë shkaku i dhimbjes së kokës, dhe nga ana tjetër pikërisht kafeina ju ndihmon që të liroheni nga nervozizmi? Studimet kanë treguar se kafeina luan një rol të dyfishtë, ajo shpesh ndihmon por edhe mund të jetë shkak për dhimbjen e kokës.

Si ndihmon kafeina gjatë dhimbjes së kokës?

Kur keni dhimbje koke, bëni gjithçka që është në dorën tuaj për të larguar sa më shpejtë ndjenjën e tensionit apo dhimbjen e kokës. Pavarësisht nga dhimbja e kokës, kafeina mund t’ju ndihmojë. Kafeina është një përbërës I cili gjendet në shumë ilaçe të cilat shërbejnë për lehtësimin e dhimbjeve. Prania e kafeinës I bën këto ilaçe 40% më efektive në lehtësimin e dhimbjeve. Pavarësisht se çfarë lloj analgjetiku do të merrni, nëse kombinohet me kafeinë do të japë efekt shumë më të mirë. Në disa raste të caktuara, dhimbja e kokës mund të kalojë vetëm me pirjen e kafes. Kafeina ndikon në reduktimin e inflamacionit dhe në këtë mënyrë ju çliron nga dhimbja.

Kur lëndon kafeina?

Edhe pse duket e çuditshme, por ajo që e bën kafeinën një ilaç efektiv për dhimbjen e kokës, mund të ndodhë që pirja e një kafeje të mund të shkaktoj dhimbje koke. Meqenëse, kafeina i ngushton enët e gjakut, kur të ndërprisni pirjen e saj, enët e gjakut rikthehen në gjendjen e tyre të mëparshme dhe kjo gjë mund të shkaktoj dhimbje. Ajo çfarë mund të shkaktojë dhimbje koke, dhe që është e lidhur me kafeinën, shfaqet atëherë kur të ndaloni me futjen e saj në organizëm. Kjo është e njëjta gjë si në rastin e marrjes së ilaçeve për dhimbje, nëse I ndërprisni, dhimbjet bëhen më intensive.

Si ta ndihmoni veten kur keni dhimbje koke?

Përcaktoni vetë se si ndikon kafeina në organizmin tuaj dhe për sa kafeinë në ditë ka nevojë trupi juaj. Nëse keni shpesh dhimbje koke, atëherë mundohuni që ta zvogëloni dozën e kafeinës, ose shmangeni atë krejtësisht. Gjëja më e mirë është që ta reduktoni atë gradualisht. Nëse zakonisht pini dy kafe në ditë, zvogëlojeni dozën me një kafe në ditë. Mundohuni të vëreni se çfarë ju ndihmon më tepër kur keni dhimbje koke. E rëndësishme është që të siguroni një gjumë të mirë dhe të pini tepër ujë. Ushqimi I shëndetshëm dhe aktiviteti I rregullt fizik gjithashtu mund të ndihmojnë në reduktimin apo shfaqjen e dhimbjes së kokës. Një këshillë tjetër për të cilën me siguri do ta dëgjoni doktorin tuaj është shmangia e situatave të cilat ju krijojnë stres. Masazhi, meditimi dhe teknika të tjera relaksuese janë të mirëpritura dhe gjithmonë janë një alternative e cila zëvendëson pirjen e ilaçeve dhe të kafeinës.