Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Kamionët me drogë në Itali, Prokuroria dërgon në burg komisariatin e portit të Durrësit (Emrat e 18 të arrestuarve)
Prokuroria e Krimeve të Rënda ka urdhëruar arrestimin e 10 punonjësve të komisariatit në portin e Durrësit, si të dyshuar përgjegjës për dy raste të kamioneve me drogë që kanë kaluar nga porti shqiptar në drejtim të Italisë.
Prokuroria ka urdhëruar gjithashtu arrestimin e 8 punonjësve të doganave në Durrës, Tiranë dhe Qafë Thanë, të cilët akuzohen gjithashtu për kalimin e 10 ton drogë nga Shqipëria për në Itali.
Ky aksion i madh ndërmerret vetëm pak ditë nga vizita urgjente që kryeprokurori Adriatik Llalla zhvilloi në Prokurorinë e Durrësi. Ai akuzoi Policinë e Shtetit si përgjegjëse për trafikun në rrijte të drogës drejt Italisë.
Njoftimi i Prokurorisë:
Në bazë të një hetimi të Prokurorisë për Krime të Rënda, është urdhëruar arrestimi i një numri të lartë personash, ndër të cilët 10 punonjës policie në Portin e Durrësit, përfshirë edhe shefin e stacionit policor, si edhe 8 doganierë të Qafë-Thanës, Durrësit e Tiranës, të dyshuar se kanë siguruar kushtet për kalimin e dy ngarkesave të ndryshme, me peshë totale 10 ton kanabis sativa nga Shqipëria në Itali, në shkurt dhe mars 2017.
Për të gjithë këta persona, Prokuroria për Krime të Rënda ka krijuar dyshime të arsyeshme se kanë konsumuar elementët e veprës penale të ”Trafikut të narkotikëve”, në bashkëpunim.Për këtë arsye, me kërkesë të Prokurorisë, Gjykata për Krime të Rënda ka caktuar masën e sigurimit “arrest me burg”, të cilat u zbatuan nga Shërbimi për Çështjet e Brendshme dhe Ankesave në Ministrinë e Brendshme, si edhe Policisë së Shtetit, për zbatim.
Ky hetim përfshin dy episode:
Rasti i parë, i ndodhur në datën 05.02.2017, kur në Itali u kap një kamion me 8 ton drogë, e cila kishte hyrë në Shqipëri nga Maqedonia nëpërmjet pikës doganore Qafë-Thanë dhe ka dalë nga pika e kalimit kufitar në portin e Durrësit. Për këtë rast, para pak javësh u arrestuan edhe 4 punonjës policie të Qafë-Thanës.
Rasti i dytë ka ndodhur në datën 24.03.2017, kur në Itali u kap një kamion me shofer shqiptar me rreth 2.2 ton kanabis në bord.Prokuroria për Krime të Rënda, në bazë të informacioneve të siguruara nga autoritetet italiane për kapjen e këtyre ngarkesave me lëndë narkotike, ka nisur hetimet, nga ku janë siguruar të dhëna, të cilat krijojnë dyshimet e arsyeshme për përfshirjen e zyrtarëve policorë dhe doganorë në trafikun e lëndëve narkotike.
Sipas të dhënave të deritanishme hetimore, Prokuroria vlerëson se, bazuar në veprimet e punonjësve të policisë kufitare, të doganës dhe të agjentëve doganor, Qafë Thanë, si edhe atyre të Portit Durrës, Doganës Durrës dhe Doganës Tiranë, ekziston një formë e organizuar bashkëpunimi mes tyre për të realizuar kalimin e automjeteve kamion të mbushur me lëndë narkotike nga Shqipëria në Itali. Të dyshuarit e këtij hetimi janë të përfshirë në njërin ose në të dy episodet, të cilat janë pjesë e të njëjtit procedim penal.
Janë arrestuar
-Ymer Blloshmi, doganier, përgjegjës turni, Qafë-Thanë
-Iliras Malja, doganier pranimi/verifikimi, Qafë-Thanë
-Maliq Kadilli, agjent doganor, Qafë-Thanë
– Kastriot Topulli, agjent doganor, Qafë-Thanë
-Gëzim Dervishi, specialist në Policinë e Portit Durrës
-Mexhit Xhixha, specialist, struktura anti-drogë, Policia e Portit Durrës
-Roland Metani, specialist, struktura anti-drogë, Policia e Portit Durrës
-Agron Kapllani, specialist, struktura anti-drogë, Policia e Portit Durrës
-Gentian Selmani, specialist, struktura anti-drogë, Policia e Portit Durrës
– Medi Demiri, kontrollor, Policia e Portit, Durrës
-Fatmir Plaku, kontrollor, Policia e Portit, Durrës
-Julian Doraci, Shef i Stacionit Policor, Porti Durrës
-Edmond Luzi, doganier eksporti, Porti Durrës
-Ylli Vogli, doganier peshore, Dogana Vorë (Tiranë)
– Vladimir Ziu, doganier regjimi, Dogana Vorë (Tiranë)
– Erald Kulla, agjent doganor, Dogana Vorë (Tiranë)
– Behar Sula, kontrollor hyrje-dalje, Policia e Portit, Durrës
-Nezir Bardhoshi, kontrollor hyrje-dalje, Policia e Portit, Durrës