Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kampet e refugjatëve, Duka: Bashkëqeverisja është më shqiptarët dhe jo me sirianët, qeveria të bëjë transparencë

Politiko 20 Qershor 2018, 17:38
Kampet e refugjatëve, Duka: Bashkëqeverisja është më

Kreu i Partisë Agrare Ambientaliste, Agron Duka shprehet se ashtu sikundër ka ndodhur shpesh herë përgjatë viteve të fundit, edhe çështja e ngritjes së kampeve të refugjatëve në Shqipëri, po trajtohet në fshehtësi dhe në mungesë totale të transparencës nga ana e mazhorancës.

Duke pasur në konsideratë precedentët negative të importit të armëve kimike siriane dhe importit të mbetjeve, Duka thotë se rreziku që të gjendemi përballë një fakti të kryer është shumë i madh.

“Nëse bashkëqeverisja është më shqiptarët dhe jo me sirianët, është jetike, për stabilitetin dhe imazhin e vendit, që diskutime të tilla të zhvillohen në mënyrë të hapur dhe transparente, duke përshirë të gjitha sferat, institucionale dhe shoqërore, përpara se të merren vendime që mund prodhojnë efekte negative afatgjata”, shkruan ndër të tjerash kreu i PAA-së në rrjetin social Facebook.

Postimi i plotë i Agron Dukës

Të dashur miq,

Po ndjek me shqetësim debatin mbi ngritjen e kampeve të refugjatëve në Shqipëri. Sikurse ka ndodhur shpesh herë përgjatë viteve të fundit, çështje të rëndësishme, dhe me impakt ndërkombëtar, po trajtohen në fshehtësi dhe në mungesë totale të transparencës nga ana e mazhorancës.

Nisur nga precedentët negative të importit të armëve kimike siriane dhe importit të mbetjeve, rreziku që të gjendemi përballë një fakti të kryer është shumë i madh.

Sigurisht ne kemi qenë dhe mbetemi një popull migruesish, dhe si komb e njohim fort mirë rëndësinë e mikpritjes.

Megjithatë, një hapje e përmasave të diskutuar në mediat ndërkombëtare, do të ishte përtej çdo proporcionaliteti dhe kapaciteti të vendit tonë.

Në këto rrethana, nëse bashkëqeverisja është më shqiptarët dhe jo me sirianët, është jetike, për stabilitetin dhe imazhin e vendit, që diskutime të tilla të zhvillohen në mënyrë të hapur dhe transparente, duke përshirë të gjitha sferat, institucionale dhe shoqërore, përpara se të merren vendime që mund prodhojnë efekte negative afatgjata.

Të fundit