Kandidatja për presidente e Komisionit Evropian për pesë vitet e ardhshme, gjermania Ursula von der Leyen, ka folur sot për herë të parë në Bruksel për negociatat me Shkupin dhe Tiranën, pas interesit të shfaqur nga eurodeputetët që kjo të ndodhë në tetor.
Sipas saj, dera e BE eshte e hapur per vendet e Ballkanit Perendimore nderkohe qe theksoi se unioni duhet te kete nje plan te qarte per anetaresimin e tyre. “Dera duhet të mbetet e hapur për shtetet e Ballkanit Perëndimor pasi integrimi i këtij rajoni është një hap që është hedhur në vitet në vijim duke qenë se është në interesin tonë. Duhet të kemi një plan të qartë për anëtarësimin e atyre shteteve që kanë vullnetin për të bashkëpunuar në mënyrë më intensive dhe që të ndjekin vlerat tona, mënyrën tonë të jetesës”, deklaroi ajo, raporton gazetari shqiptar, Vladimir Lame.
Një qëndrim tjetër që mund të ndihmojë Tiranën dhe Shkupin për negociatat ishte edhe premtimi i saj per heqjen e votimit unanim, në raste të tilla ku të kërkohet vetëm vota e shumicës së shteteve anëtare.
Ministria e Mbrojtjes së Gjermanisë ka kritikuar presidentin aktua, Jeal Claude Juncker dhe shtetet skeptike se kane qene hezitues, duke nënvlerësuar faktin se në atë rajon ka edhe aktorë të tjerë që përpiqen të shtrijnë influecën e tyre, siç janë: Kina, Rusia, Turqia apo Arabia Saudite.
374 është numri magjik, qe i siguron asaj zgjedhjen në postin e Presidentes së Komisionit Evropian, nga 747 eurodeputetë. Parlamenti numëron në fakt 751 eurodeputetë, por katër vende akoma nuk janë plotësuar. Votimi do të mbahet ditën e martë të javës që vjen, në Strasburg.
Ne Gjermani besojne se politikania 60 vjeçare, me nje karriere te gjate ne CDU dhe mikeshe e Merkelit do te zgjidhet ne kete post.
Discussion about this post