Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kaos në Mitrovicë, arrestohet Marko Gjuriç

Politiko 26 Mars 2018, 18:04

Shefi i Zyrës për Kosovën në qeverinë e Serbisë, Marko Gjuriç, është arrestuar pasditen e sotme në veri të Mitrovicës. Gjuriç kishte kërkuar leje nga autoritetet kosovare për të zhvilluar takim me serbët në veri të vendit, në kuadër të dialogut të brendshëm për çështjen e Kosovës, por Prishtina i kishte refuzuar hyrjen për shkak të deklaratave që zyrtari serb kishte bërë në të kaluarën.

Pavarësisht vendimit të Prishtinës, Gjuriç ka hyrë në Mitrovicë dhe ka deklaruar se “veriu i Kosovës” nuk do të jenë kurrë pjesë e Kosovës së vetëshpallur të pavarur apo “Shqipërisë së Madhe”.

Pas raportimit në media, Policia është nisur drejt godinës së Gjykatës së Mitrovicës, ku po zhvillohej takimi dhe ka arrestuar Gjuriçin.

Sipas mediave lokale, policia kosovare ka përdorur gazin lotsjellës dhe shkopinjtë e gomës për të shpërndarë qytetarët që ishin vendosur në hyrje të Gjykatës, për të penguar arrestimin e Gjuriç. Në vendngjarje raportohet të jenë dëgjuar të shtëna dhe thyerje xhamash.

Marko Gjuriç po dërgohet në Prishtinë, ku pritet të vijojë procedimi.

Të fundit