Kapet me 3 milionë euro drogë, shqiptari arrestohet në Itali

Një 38-vjeçar shqiptar është arrestuar në Seriata të Italisë me akuzën e trafikut të lëndëve narkotike.

Bëhet fjalë për Emiliano Keçin, të cilit iu sekuestruan 31 kg drogë të llojeve të ndryshme, me një vlerë rreth 3 milionë euro.

Droga ishte e ndarë në lloje: 18 kg kokainë, 8 kg hashash, 4 kg marijuanë dhe një sasi e vogël heroine.

Lënda narkotike ishte ndarë në pako dhe mbi të ishte shënuar dhe emri i çdo qyteti italian ku do të dërgohej. Policia italiane ishte vënë në ndjekje të Emiliano Keçit prej kohësh.