Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kapllani: Sjellja e ministrit Dendias ndaj Shqipërisë qesharake, e ka diskretituar Greqinë

Politiko 22 Gusht 2019, 20:40

Kapllani: Sjellja e ministrit Dendias ndaj Shqipërisë qesharake, e ka

Shkrimtari Gazmend Kapllani ka kritikuar ministrin e Jashtëm të Greqisë, Nikos Dendias për mënyrën se si po sillet ndaj Shqipërisë. Kapllani, personazh i njohur në shtetin fqinj për punën e tij në letërsi,e po ashtu edhe për mbrojtjen e të drejtave të shqiptarëve, shkruan se ministri po sillet sikur Shqipëria të jetë një koloni apo vilajet i Greqisë.

Dendias i dërgoi një mesazh Shqipërisë, ku i kërkon që të mbyllë sa më parë hetimet për vrasjen e Kostantinos Katsifas, ekstremistit grek i cili u ekzekutua nga policia shqiptare pasi i qëlloi ata me armë në Dropull.

“K.Katsifas kreu një veprim terrorist (siç do ta përshkruanin të gjithë standardet ndërkombëtare) në territorin e Shqipërisë. Ai ishte një ekstremist i djathtë që besonte dhe dëshironte një konfrontim të armatosur midis Shqipërisë dhe Greqisë. Ajo që pasoi për fat të keq ishte “neutralizimi” i tij nga policia shqiptare (siç do të ndodhte në çdo vend të botës kur një terrorist i armatosur refuzonte të dorëzohej).

Për t’i lehtësuar gjërat, pala shqiptare pranoi pa pengesa palën greke që të vinte dhe të ekzaminonte rastin në terren. Kështu, ish-shefi i policisë greke dhe mjekë ligjorë shkuan në Shqipëri dhe nxorën gjetjet e tyre. Ministri aktual i Jashtëm i Greqisë, N. Dendias i tund gishtin Shqipërisë – ndërsa bëhet fjalë për një çështje të saj të brendshme – sikur Shqipëria të jetë një koloni apo vilajet i Greqisë. Kjo sjellje prej të forti ndaj Shqipërisë duhet të përfundojë këtu dhe tani z. Dendias.”, shkroi Kapllani në Facebook.

Sipas tij , kjo sjellje është qesharake dhe e rrezikshme, si edhe sepse e ka bërë Greqinë një vend të diskretituar edhe në Ballkan.

“Kjo për faktin se politikanët grekë kryejnë politikën e jashtme, jo në interes të vendit dhe standardeve ndërkombëtare, por duke menduar se si të shesin nacionalizëm dhe trimëri tek zgjedhësit e tyre.”

Ai shtoi se Dendias, do të ishte mirë të shikonte të gjithë elementët ekstremistë grekë që kanë vizituar për vite me radhë Shqipërinë.

“Duke filluar me terroristët e MAVI në fillim të viteve ’90 (çfarë me të vërtetë ndodhi me ta?), deri në anëtarët e Agimit të Artë që po mundohen të bëjnë Shqipërinë e Jugut, Mekën e tyre. Ata po përpiqen të hedhin në ajër marrëdhëniet greko-shqiptare dhe kursin evropian të Shqipërisë dhe Greqisë së bashku. Për të mos përmendur 170 civilët shqiptarë, të cilët janë vrarë nga policia greke që nga viti 1990, pa asnjë përgjegjës. Boll më!.” përfundon shkrimtari i vlerësuar në shtetin helen, i cili për shkak të mungesës së vlerësimit pas më tepë se dy dekada ka lënë Greqinë dhe ka emigruar në SHBA.