Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A keni dëgjuar për Dren & Art Abazin? Njihuni me Rinën, të motrën, dhe do t'i harroni të dy

Politiko 28 Mars 2017, 17:26

A keni dëgjuar për Dren & Art Abazin? Njihuni me Rinën,

Mira Mrruku

Rina ti je një vajzë e veshur me një vel rrëzëllitës bukurie në formë dhe në përmbajtje, e gjallë e plot jetë në mardhënie me veten dhe me njerëzit që të rrethojnë, cili është sekreti i gjithë kësaj mirësie dhe pozitiviteti që nuk ja kursen botës?

Ohh, të falemderit shumë për një vlerësim të tillë. Do të isha e lumtur nëse edhe të tjerëve do t’ua përcjellja këtë mirësi dhe pozitivitet që thua. Nuk është se jam e vetëdijshme për këtë, ndoshta kjo është mënyra ime për të shprehur gëzimin dhe mirënjohjen për çdo gjë që më rrethon. I dua njerzit në përgjithësi dhe e shijoj çdo moment kur jam në shoqëri të mirë. E vlerësoj çdo ditë, çdo përvojë, qoftë edhe jo e mirë, duke u munduar të marr diçka pozitive edhe nga ajo. Ndoshta kjo më bën të reflektoj pozitivisht edhe nga jashtë, gjë që më lumturon nëse arrij t’a percjellë tek njerzit tjerë.

A ka Rina një muzë frymëzimi si gjeneruese të gjithë bukurisë, stilit unik dhe mënyrës se si e prezanton veten?

Më duhet sërish të kthehem tek njerzit. Njerzit më inspirojnë më së shumti. Çdo ditë, në rrugë, në universitet, në punë, në udhëtime të ndryshme, takoj njerëz të cilët më shtojnë motivimin dhe më mësojnë diçka të vlefshme. Besoj që e bukura qëndron në ‘rutinë’. Çdo ditë e zakonshme, çdo gjest sado i vogël njerëzor, çdo moment me njerzit e mi të dashur përreth, më frymëzojnë të jem kjo që jam.

Teksa gjendesh përballë teje një intuitë e thjeshtë të çon drejt të qënit përballë një modeleje dhe në fakt ti ke provuar të angazhohesh edhe në këtë drejtim në Kosovë, mendon se është një pasion që do ta ushqesh në të ardhmen?

Po, ka disa vite që jam e angazhuar në këtë fushë. Deri tani kam realizuar shumë projekte me kompani të ndryshme në Kosovë, dhe me disa prej tyre ende vazhdoj të bashkëpunoj. Edhe pse një pasion i imi që e vogël, nuk mendoj t’a kem angazhim primar, ashtu siç nuk e kam pasur as deri më tani. Sidoqoftë, do të vazhdoj të jem aktive varësisht nga projekti dhe koha që kam në dispozicion, pasi është diçka që më pëlqen dhe që e bëj me shumë qejf.

[gallery link="file" size="large" ids="2375,2376,2377,2378,2379,2380,2381"]

Je angazhuar që herët në profesionin tënd në marketing dhe mardhënie me publikun, ky profesion dhe drejtim i juaj ka qenë një zgjedhje apo zgjidhje?

Ne fakt, fillimisht ka qenë tërësisht i rastësishëm angazhimi im në marketing dhe marrëdhënie me publikun. Sa isha studente ne vitin e tretë, m’u ofrua kjo mundësi, së pari në Odën Ekonomike Amerikane në Kosovë, dhe shumë shpejt u shndërrua në një punë shumë të dashur për mua. Keshtu, me disa vite përvojë pune në këtë drejtim, vendosa të vazhdoj studimet po në këtë fushë, ku për momentin jam duke përfunduar studimet Master për Marketing, Advertising & Public Relations, në Universitetin e Sheffield, në Selanik. Mezi po pres për sfidat që po më presin dhe përgjegjësitë që do të më shtohen në këtë profesion që kam zgjedhur.

Cilat janë ëndrrat dhe pasionet tuaja dhe sa të rëndësishme janë ato për ty?

Patjetër që ëndrrat janë shumë të rëndësishme. Janë ato që më japin arsye të ngrihem e motivuar në mëngjes. Të gjitha kanë të bëjnë me njerzit e mi dhe arritjet. Ndoshta ëndrra të thjeshta dhe jo të mëdha për të tjerët, sidoqoftë për mua domethënëse. Sa i përket pasioneve, vallëzimin e adhuroj. Që në vegjëli kam qenë e pasionuar pas vallëzimit modern, kështu duke ndjekur edhe disa kurse në këtë drejtim. Tani, edhe pse më rrallë, më mbush me energji sa herë e praktikoj.

Rina nuk mund të mos lëmë pa përmendur faktin se ti je motra e dy vëllezërve artistë që i japin shumë muzikës, si Dreni që është konsoliduar tashmë dhe është unik në atë çfarë krijon e sjell për publikun, ashtu edhe Arti që është në rrugën drejt sukseseve të mëdha. Si është të jesh motra e dy vëllezërve artist dhe sa të mbështesin ato?

Si motra e vogël, gjithmonë jam ndier ‘e përkëdhelura’ e tyre duke u kujdesur dhe më mbrojtur në çdo aspekt, madje ende më konsiderojnë adoleshente. Konsultohem me ta për çdo gjë, edhe për gjërat më të parëndësishme si ‘cilën foto t’a postoj në instagram’ (haha).Për shkak të angazhimeve të tyre, nuk shihemi aq shpesh, mirëpo atëherë kur jemi bashkë, sigurohen që të më ofrojnë kujdesin dhe dashurinë më të madhe.