Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Kërkesa nga Brazili, kryeministri i Suedisë merret në pyetje për çështje korrupsioni
Kryeministri suedez, Stefan Löfven u mor në pyetje në Stokholm, me kërkesë të gjykatës braziliane, për dyshime për korrupsion që lidhen me shitjen ndaj Brazilit të avionëve ushtarakë “Jas Gripen” në kurriz të “Rafale”.
Ish-presidenti brazilian, Lula është nën hetim për këtë çështje për pastrim parash dhe trafik influence, prokurorët e akuzojnë për përvetësim të 2,25 milion reais (i barasvlefshëm me 1,04 milionë dollarë me kursin e sotëm).
Këto shuma i janë derdhur nëpërmjet një kompanie të djalit të tij Luis Claudio me qëllimin për të ndikuar tek Dilma Rousseff, e cila e pasoi në krye të shtetit në vitin 2011, për blerjen e “Gripen” prodhim nga kompania e avionëve “Saab”.
Në momentin e mbërritjes në gjykatë, ku do të merrej në pyetje në statusin e dëshmitarit të thjeshtë, Stefan Löfven përgënjeshtroi çdo informacion në dijeni të tij për rryshfete që lidhen me kontratën e armatimit të nënshkruar në vitin 2013, por pranoi se ka punuar për promovimin e avionit suedez kur ai nuk ishte ende kryeministër.
Përpara gjyqtarit, ai mohoi se kishte takuar Lula dhe Dilma Rousseff në Afrikën e Jugut në vazhdën e homazheve për nder të presidentit të ndjerë, Nelson Mandela në dhjetor të vitit 2013.