Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Këshilli i ambasadorëve apel për krizën: Duhet kompromis, interesi i qytetarit mbi të gjitha

Politiko 21 Qershor 2019, 18:43
Këshilli i ambasadorëve apel për krizën: Duhet kompromis,

Këshilli i Ambasadorëve shqiptarë shpreh shqetësimin për situatën e tensionuar në vend dhe ka bërë thirrje që mes partive politike të ketë dialog dhe zgjedhje gjithëpërfshirëse. Në organizatë janë të shqetësuar për mungesën e gjetjes së rrugës së dialogut politik midis aktorëve më të rëndësishëm në vend.

Sipas tyre, në momentin kur vendi përballet me mundësinë e çeljes së negociatave për anëtarësim në BE, si rruga e vetme për mbështetjen dhe çuarjen përpara të të gjitha reformave, konflikti politik ka marrë një kurbë ngritje, që nëse nuk ulet me shpejtësi, ka të gjitha gjasat të marrë përmasa dëshpërimisht të paparashikuara.

Në deklaratën e Këshillit të Ambasadorëve theksohet se gjatë periudhës 30 vjeçare të pluralizmit politik, Shqipëria ka kaluar disa herë në vorbull krizash me pasoja të rënda për vendin të cilat kanë ardhur si rezultat i mungesës së sjelljes demokratike të liderëve politikë.

“Të gjithë jemi dëshmitarë të rrëshqitjes disa herë në konflikte sociale e politike, ku fatkeqësisht është dashur vetëm ndërhyrja energjike e faktorit ndërkombëtar për zgjidhjen e situatës.

Kjo krizë e përsëritur po demonstron një mungesë të maturimit politik si dhe po dëmton rëndë imazhin e Shqipërisë në botë dhe besueshmërinë ndaj partnerëve të saj euroatlantikë.

Këshilli i Ambasadorëve Shqiptarë bën thirrje për organizimin e zgjedhjeve gjithëpërfshirëse, të lira dhe të ndershme, si e drejtë themelore e një vendi demokratik si dhe dënon me forcë, blerjet dhe trafikimin e votave që deformojnë vullnetin e qytetarëve Shqiptarë.

Apeli ynë është për dialog dhe kompromis të menjëhershëm, me qëllim vënien e interesit të qytetarit në qendër të çdo akti politik dhe interesi i vendit të jetë mbi çdo interes tjetër partiak.

Ne shpresojmë se forca e arsyes dhe jo arsyeja e forcës do triumfojë. Nuk kemi kohë për të humbur, ashtu siç nuk kemi asnjë nevojë të kthehemi e të bëjmë hapa pas apo të cenojmë pluralizmin politik. Sakrificat e mëdha për ta arritur atë nuk na lejojnë kurrsesi ta vëmë në pikëpyetje.” thuhet në deklaratën e Këshillit të Ambasadorëve shqiptarë.

Të fundit