Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Këto bisedime do ta gjymtojnë Kosovën dhe do na çojnë në luftë...”

Politiko 6 Korrik 2018, 14:09

“Këto bisedime do ta gjymtojnë Kosovën dhe do na

Nezir H. Kraki

Mbani mend!

Këto bisedime do ta gjymtojnë Kosovën dhe do na çojnë në luftë...

Sa më i lartë të jetë niveli politik i bisedimeve me Serbinë aq më shumë do humb Kosova.

Sa më shumë që zgjasin bisedimet me Serbinë aq më shumë do zhbëhët dhe izolohet Kosova.

Sa më shumë që forcohet Serbia brenda Kosovës aq më shpejt do kemi konflikt të ri me të.

Sa më gjatë të jetë Kosova nën kontrollin e këtyre injorantëve të sotit, aq më shpejt do konfirmohen tri hipotezat e mësipërme.

Mos harroni! Bëhët fjalë për bisedimet « teknike » te Edita Tahirit. Aq teknike saqë në fund të takimeve fotografike në korridoret e Brukselit, Serbia u bë zyrtarisht bashkpronare e fatit të Kosovës dhe bashkqeverisëse e halleve tona, gjithnjë duke qenë edhe bllokuese e jona.

Sidoqoftë, tashmë ne kemi humbur ende pa u ulur ne tavolinën e pokerit evropian.

A e dini pse?

Sepse krejt kjo mesele e bisedimeve bëhët jo për të gjetë zgjidhje afatgjata por për ta kompensuar Serbinë për humbjen e Kosovës. Aleatët tanë priten 20 vite që Kosova të vetkonfirmohej shtet. Kjo s’ndodhi. Kosova u konfirmua projekt i dështuar në dorën e një kaste ultra kriminale. Kjo kastë i bindi aleatët që produkti « Kosovë » ishte me defekt. E tash « prodhuesi » i këtij produkti dëshiron me çdo kusht ta korrigjojë defektin duke e modifikuar esencen e produktit fillestar.

Sa për ilustrim, Kosova sot është në pozitën e një të sëmuri të cilit i kërkohet të rikthehet në sallën e operimit ku para 20 viteve të njejtit mjekë ia shpëtuan jetën. Por rioperimi tash do bëhët me parametra tjerë dhe Kosova pritet do dalë nga salla me disa organe të dyfishuara (klonuara) e me disa tjera të gjymtuara.

Mos shkoni n’atë sallë siç keni shku deri tash se na morret n’qafë o injorantë. Jeni duke e mbjellë farën e një lufte të re ballkanike nga e cila shqiptarët do dalin më keq se ç’janë sot.

S’dua të keqkuptohem. Bisedime duhet te ketë me të gjithë por jo bisedime për ta humbur në tavolinë atë që u fitua me vuajtje një shekullore.

Nejse...bisedimet e deritashme i kanë arritur dy suksese të prekshme dhe të pamohueshme:

1) rikthimin legal të Serbisë në punët e Kosovës

2) avancimin e Serbisë në integrime deri në prag të BE-së.

Nuk bisedohet pa strategji e pa karta të « rrezikshme » si opsione. Karta e juaj e vetme sot është shpëtimi nga burgu dhe konservimi i pasurive ilegale që ia vodhët Kosovës bashkë me ëndrrat dhe shpresen e popullit të saj.

Ikni sa nuk është bërë vonë!