Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Klasa jonë politike dhe perandori i Japonisë

Politiko 26 Maj 2018, 11:32
Klasa jonë politike dhe perandori i Japonisë

Artan Fuga

Vetëm në Shqipëri dhe në disa vende afrikane, veç perandorit të Japonisë, politikani rri në politikë 30 vjet.

Se poqese demokracia do të funksiononte, çdo politikan e deputet do të hynte e dilte nga politika aktive sikurse do ta donte etika politike e demokracisë të vërtetë.

Rri pak kohë, 5 deri 10 vjet dhe ikën në punë të vet.

Pse rrinë kaq shumë te ne? A thua se ka të pazëvendësueshëm!

Kemi vendosur në vështirësi dhe aletatët tanë.

Nja pesë presidentë amerikanë janë ndryshuar dhe bëjnë foto me të njejtën qeveritarë a deputetë shqiptarë.

Pesë presidentë francezë

Shtatë a tetë kryeministra italianë.

Në Greqi, Itali, Francë, Spanjë, Portugali, pothuajse e gjithë klasa politike e rinovuar.

Përballë tyre në Shqipëri të njëjtët.

Edhe zonja Merkel nuk qendron dot sa gjysma e këtyre. As Putini. As Erdogani!

Edhe antarët e Byrosë Politike nuk qëndronin 30 vjet! I vinin, i nderonin, i përdornin dhe pastaj i qëronin.

Për të mos folur pastaj për nëpunësit e ministrive të jashtme të vendeve aleate. Kemi nxjerrë në pension një brez të tërë nëpunësish që nisën 30 vjeç në ministritë e vendeve të tyre e tani dolën në pension 60 vjeç.

Po vijnë nëpunës të tjerë andej dhe këtej kufirit te ne shohin po ata përsëri.

Demokracia është pushtet i qytetarit dhe i ushtruar nga qytetari, jo nga pleqtë e fisit, që sa më shumë rrinin në pleqësi aq më shumë kishin të drejtë të rrinin.

I ka dalë boja kësaj pune.

Politika nuk është profesion si gjithë të tjerët që njeriu po i hyri duhet të qendrojë në të gjithë kohës. Ky do të ishte uzurpim.

Deputeti dhe ministri nuk janë mjek, inxhinjer, pedagog, që logjikisht dalin në pension në profesionin e vet.

Këtu u bënë deputetë dhe po dalin në pension deputetë ministra, e kështu me radhë.

A nuk mjafton kjo për të vendosur dyshimin: Çfarë ka që disa shërbëtorë politikë të popullit bëjnë çdo gjë dhe lidhen pas kolltuqeve për të qenë gjithë jetën shërbëtorët tanë?

Pse zgjidhen dhe emërohen gjithnjë të njejtët?

Në çfarë transformohet demokracia kur në pushtet janë të gjithë të njëjtët njerëz!!!

Të fundit