Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Klement Balili: Si u bëra drejtor i Transporteve pas zgjedhjeve

Politiko 16 Janar 2019, 22:09

Klement Balili: Si u bëra drejtor i Transporteve pas zgjedhjeve

Klement Balili ka treguar se ai nuk ka qenë pjesë e politikës ndonjëherë. Në intervistën për gazetarin Artan Hoxha, transmetuar në emisionin “Repolitix”, ai ka treguar se në zgjedhjet e 2013-ës ka ndihmuar familjarët dhe ka kontribuar dhe vetë, dhe pas zgjedhjeve si shpërblim ju ofrua posti i drejtorit të Transporteve.

Pjesë nga intervista

Gjatë kësaj kohe keni kontaktuar me avokatin që keni në Greqi?

Po, kam kontaktuar.

Dhe çfarë ju ka thënë?

Që akuzohem vetëm për punën e Zaqithos.

Është dënuar ndonjë njeri nga personat që përfshihen te rasti i Zaqithos?

Janë në procese gjyqësore të gjithë.

Akoma nuk ka vendim?

Jo. Asnjë vendim.

Pas zgjedhjeve të vitit 2013, kur koalicioni i majtë PS-LSI erdhi në pushtet dhe u rrëzua nga pushteti PD-ja, ju u emëruat në pozicionin e drejtorit rajonal të transporteve. Pse shkuat pikërisht në atë vend? Ju morët pjesë në fushatë? Çfarë qëndrimi keni mbajtur?

Familja ime ka kontribuar për këtë parti. Edhe unë kam kontribuar.

Për kë parti?

Për LSI-në. Kam kontribuar, pavarësisht se nuk jam ngatërruar me politikën, por kam ndihmuar thjesht familjarët. Dhe për këtë gjë m’u ofrua ky shpërblim, si post drejtori. Dhe unë e pranova dhe kam shërbyer në atë post. Nuk jam implikuar në korrupsion. Dhe kjo është një gjë që e faktojnë edhe provat.

Gjatë kësaj kohe, pra nga viti 2013 deri në vitin 2016 kur ndodhi kjo, jeni përfshirë në aktivitete politike? Kanë qenë zgjedhjet lokale të vitit 2015. Ju si drejtues i rëndësishëm i një sektori në zonën e Sarandës dhe të Delvinës, gjatë kësaj kohe jeni përfshirë, duke pasur parasysh që nipi juaj kandidonte?

Po, normal që jam përfshirë. Kam kontribuar.

Fillimisht familja juaj ka mbështetur të djathtën, për shkak edhe të origjinës.

Po.

Nëse e kujtoni, e keni takuar ndonjëherë Sali Berishën?

Po, para shumë kohësh, kur vinte në zonën e Delvinës. Ka kaluar në fshatin tim, ka ardhur edhe në banesën time. Unë kam qenë i vogël atëherë, e kam takuar, i kam dhënë edhe dorën. Vetëm atë person.

Po më pas, kur ka qenë kryeministër?

Jo, jo.

Mban mend ndonjë rast kur ka ardhur në Delvinë?

Kur ka ardhur në Delvinë një herë, ndoshta në vitin 2006.

Jeni akuzuar sikur keni pasur lidhje direkte me kryeministrin e Shqipërisë Edi Rama. Sidomos në vizitat që ai ka bërë në Sarandë dhe duke përfshirë qëndrimin që ai ka bërë apo vizitat që ka bërë në hotelin “Santa Quaranta” me ministrat e tij. Është filmuar aty. Si është kjo, çfarë ka ndodhur aty?

Unë nuk kam lidhje me atë hotel, me atë pronë që më akuzojnë dhe nuk kam pasur ndonjëherë kontakt nga afër me Edi Ramën.

Ju jeni akuzuar që jeni pronar aty.

Është shumë e lehtë që të verifikohet kjo, mjafton që të shihen dokumentet e pronësisë. Unë nuk kam lidhje fare me atë pronë.

Një nga akuzat kryesore të bëra edhe në media, ka qenë që për shkak të sigurisë që ka objekti, kamerat kanë filmuar, serveri është zhdukur. Si është kjo histori?

Unë nuk kam lidhje fare dhe nuk mund të di se çfarë është bërë atje. Nuk jam unë pronari i hotelit. Hoteli është prona e vëllait. Unë mund të shkoj atje, por nuk mund të di se çfarë bëhet me punën e tij, me serverat etj.