Koalicioni i ri qeveritar, Albin Kurti takohet sot me Isa Mustafën, cili do të jetë fokusi i diskutimit

Albin Kurti, kreu i Lëvizjes Vetëvendosje dhe Isa Mustafa, kreu i LDK-së pritet të zhvillojnë sot një takim mes tyre, lidhur me qeverisjen e re përmes koalicionit.

Sipas mediave në Kosovë, fokusi i diskutimit pritet të jetë posti i kryeministrit dhe kryetarit të Kuvendit, që kanë mbetur ende pa përfaqësues pas zgjedhjeve të 6 tetorit.

Kurti paralajmëroi se me LDK-në duhet të përshpejtojnë drejt formimit të qeverisë sepse brenda disa ditësh pritet edhe certifikimi i rezultateve dhe brenda 30 ditësh do të ftohet edhe seanca nga presidenti.

Nga ana tjetër, kreu i VV është shprehur i vendosur për të mos përfshirë në koalicion Listën Serbe.