Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Koha për t'i thanë Mjaft! dhe Largohu! Edi Ramës

Politiko 15 Prill 2020, 17:21

Koha për t'i thanë Mjaft! dhe Largohu! Edi Ramës

Duhet të ishte në fakt, nji tryezë e analizës së krizës së gjithanshme që ka kapërthye shoqninë prej pamundësisë së qeverisë me e administrue me sistem përhapjen e pandemisë, financimin e ekonomisë dhe sigurinë e jetës qytetare, në liri dhe ne kushtetutshmëri.

Sikur të ishim nji demokraci normale, mbledhja e sotme mund të ishte edhe nji tryeze e dobishme për gjetjen e zgjidhjeve të përshtatshme për krizën e kahershme politike dhe për çmontimin e ilegalitetit ku e ka futur PS Parlamentin dhe Këshillin e Ministrave. Por nji tubim me rend dite te tillë asht i pamundun për arsyen e dukshme, që Kryeministri do ta bojkotonte me ironinë dhe sarkazmen e tij karakteristike. Nji mbledhje e tillë korrektuese e së kaluemes pamundesohet edhe nga kontrolloret e padukshëm te amullisë shqiptare.

Arsyeja e Shendoshë asht e vendosun kësisoj në Rrethin e Kokëfortësisë së nji Kaste të Fortësh qe nuk tunden para asgjaje. Por a do te thotë kjo qe Kryeministrit te mos i komunikohet e vërteta e sjelljeve te tij?

Mendoj qe jo, atij duhet t'i adresohen politikisht dhe teknikisht te gjitha.

Ndërkohë qe vendi asht i mbërthyem prej pandemisë, ne vërejmë nji veprim të vendosun të Kryeministrit që përbuz të gjithë, për të shtërngue shoqninë përtej kufijve të kushtetutes, ligjit, arsyes dhe modeleve të vendeve të tjera nën të njejten emergjencë. Prej 35 ditësh Parlamenti me 83 mandate të ligjshme nuk mblidhet, qeveria as edhe formalisht nuk zhvillon ndonjë seancë vendimarrëse të këshillit apo të kabinetit dhe transparenca ndaj publikut e veprimit governativ asht zero.

I gjithë pushteti tanima asht përsonalizue në figurën e nji njeriu të vetëm, si Mjeshtër dhe Shpëtimtar i Situatës Shqiptare në muajt e pandemisë. Dhe kjo asht baraz me grusht shteti të ripërtërirë, të cilin, asnji mbledhje e Këshillit të Sigurisë nuk e ndal dot tanimë, në qoftë se zhvillohet me kodin e komunikimit te herës së parë.

A mund të rrihet edhe ma tutje në pritje dhe në heshtje, më shpresën që Edi Rama me lojtarët e tij tallës socialistë, të na japin zgjidhje racionale krizës së pandemisë dhe sfidave të ripërtëritjes ekonomike e kushtetuese? A mundet dot që grupi që e ktheu për 7 vite Shqipninë në nji fushë lojnash të pista, të bahet papritmas, për shkak të tërmetit dhe pandemisë, qeveria e shpëtimit nacional, nji skuadër e përgjegjshme, e ndershme, serioze dhe popullore, me të cilën mund të arsyetohet dhe të udhëzohet në Këshillin e Sigurisë?

Edhe pse shumë prej mekanizmave kushtetues dhe demokratikë të zëvendësimit të kësaj qeverie sot nuk mund të ushtrohen lehtësisht, nji prej tyne asht ende i mundshëm: Kërkesa për Dorëheqje në Tavolinën e Këshilltarëve dhe për kalim të butë të qeverisjes në duar të një ekipi teknicienësh të mirëfilltë.

Vendi ka nevojë për nji grup administratorësh, ekonomistësh dhe konstitucionalistësh të rangut të naltë, që do të duhet të përballen me krizën e pandemisë, me kompaktësimin e sistemit shëndetësor, me nevojat imediate të përballimit të emergjencës së mijëra familjeve të varfra shqiptare; me projektin e ristartimit gradual të ekonomisë dhe rihapjen e jetës. Nevojitet nji ekip që do japin garanci ndërkombëtare për vijimin e reformës në drejtësi, reformave europianizuese dhe rikthimin e legjitimitetit të Parlamentit; nji ekip profesionistësh të rendit publik që do te vendosin Shqipninë nën ligj, rend dhe drejtësi, pas shkelur liritë e njerëzve të thjeshtë.

Edi Ramës sot dikush do të duhet t’i kërkojë të hapë rrugë edhe për paaftësinë e shkëlqyeshme që ka kallxue në kopjimin e modeleve, që Kosova, Mali i Zi, Maqedonia e Veriut dhe Greqia kanë ofrue në garantimin e shëndetit publik te qytetarëve te vet. Çfarëdo që t’i propozohet Edi Ramës sot në nji tryezë të konceptueme si e Këshillit të Sigurisë Kombëtare, ai sërish do të vijojë rrugën e tij në mbështetje të "shokëve".

Ai e ka nda mendjen me qeveris si ka qeveris deri me tash, çfarëdo propozimesh dhe vërejtjesh do t’i ofrohen nga Këshilltarët. Sot asht dita që atij t’i lexohet thirrja finale e largimit për hir të nevojave të administrimit ma të mirë, nevoja që dalin jashtë interesave të klasës politike dhe përtej mënyrës se si asht administrue deri tash Shqipnia.

Koha për t'i thanë MJAFT DHE LARGOHU EDI RAMES, por edhe për ndërtimin e nji modeli krejtësisht të ndryshëm të administrimit te shtetit, ekonomisë, shëndetësisë dhe financave publike.