Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Konflikt me armë në zonën e Bllokut, plagoset 27 vjeçari

Politiko 10 Nëntor 2017, 09:01
Konflikt me armë në zonën e Bllokut, plagoset 27 vjeçari

Një konflikt mes të rinjve në zonën e Bllokut në Tiranë ka ndodhur orët  para të  mëngjesit të sotëm ku ka mbetur i plagosur një 27 vjeçar.  Mësohet se një person ka qëlluar me armë zjarri në ajër ndërsa 27 vjeçari Erlis Duka është plagosur si pasojë e goditjeve me grushte.

Në polici janë shoqëruar 15 persona por ende nuk janë identifikuar autorët e ngjarjes. Ndërkohë grupi hetimor po punon për zbardhjen e ngjarjes.

Njoftimi i policisë:

Më datë 10.11.2017, rreth orës 01:05, në Sallën Operative ka ardhur një telefonatë se në rrugën "Brigada e 8" ka një konflikt dhe ka të shtëna me armë zjarri.

Menjëherë shërbimet e Policisë kanë shkuar në vendngjarje ku nga verifikimet paraprake rezultoi se :

Në rrugën " Brigada e 8", ka pasur një konflikt mes disa të rinjsh.

Si pasojë e konfliktit ka mbetur i dëmtuar shtetasi E.D., 27 vjeç, banues në Tiranë, i cili nuk ka dëmtime me armë zjarri, por dyshohet të jetë dëmtuar nga goditje me grusht.

Shtetasi E.D., është dërguar për ndihmë mjekësore, ku më pas është arrestuar për veprën penale "Moskallëzim Krimi".

Gjatë konfliktit njëri prej shtetasve të përfshirë në konflikt ka qëlluar me armë zjarri në ajër.

Në vendngjarje janë gjetur dhe sekuestruar në cilësinë e provës materiale dy gëzhoja arme zjarri.

Janë shoqëruar në ambientet e policisë 15 persona për sqarime dhe verifikime të mëtejshme.

Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorëve.

 

Të fundit