Flash News
Grupi parlamentar i PD dorëzon në Kuvend propozimin: Pensioni të rritet në 300 euro
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Konte: Interi është pas Juves dhe Napolit, Leçen e kam për zemër
Antonio Konte shprehet se tek Interi emocioni është i madh përpara takimit të parë të sezonit kundër Leçes, që do të luhet ditën e nesërme. Tekniku zikaltër është i kënaqur me punën e bërë deri tani nga lojtarët.
“Emocioni është i madh për ndeshjen e parë, por jam i kënaqur me punën e bërë deri tani. Duhet të punojmë shumë për të arritur diçka të madhe. Është e rëndësishme ta nisim kampionatin me këmbën e mbarë, dhe tifozët të shohin idetë e reja në lojë.
Leçe? E kam në zemrën time këtë skuadër. Jam shumë i lumtur që do përballem me ta në Serie A. Ata e merituan të ngjiteshin në elitën e futbollit italian. Pavarësisht se kam marrëdhënie shumë të mira me ta, nesër do të jemi kundërshtarë.”, tha Konte.
I pyetur për titullin kampion, ai u përgjigj: “ Duhet të them se ekziston një hendek me Juventusin dhe Napolin, dhe nuk mund të vendos kufij, koha do ta tregojë se për çfarë do të luftojmë. Të dyja skuadrat e sipërpërmendura kanë bërë ndërhyrje në merkato, por ne duhet të mendojmë vetëm për veten tonë dhe të bëjmë krenarë tifozët. Jam i kënaqur me lojtarët që kemi afruar deri tani. Ikardi? Unë nuk kam asnjë problem me të, janë drejtuesit që vendosin për të ardhmen e lojtarit.”
Ai foli edhe për integrimin e Romelu Lukakut në skuadër.
“Romelu u pëlqye nga pjesa tjetër e skuadrës menjëherë. Ai punon shumë fort dhe ka potencial, por ka edhe shumë vend për t’u përmirësuar. Unë e kam provuar atë me disa lojtarë në sulm, dhe jam i lumtur me të.”