Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Koronavirus/ Serbia shpall gjendjen e jashtëzakonshme

Politiko 15 Mars 2020, 21:55
Koronavirus/ Serbia shpall gjendjen e jashtëzakonshme

Serbia ka shpallur pak minuta më parë gjendjen e jashtëzakonshme për të ndaluar përhapjen e koronavirusit.

Deklarata është bërë nga Presidenti i Serbisë, Aleksandar Vuçiç, pas takimit me qeverinë dhe zyrtarët e lartë të shëndetit në Beograd.

Vuçiç tha se ai po vepronte në përputhje me dispozitat ligjore që i lejojnë atij të deklarojë një gjendje të jashtëzakonshme në mungesë të një parlamenti të ulur, i cili u shpërnda përpara zgjedhjeve të përgjithshme të 26 prillit.

"Që nga ky moment ne kemi një gjendje të jashtëzakonshme," tha Vuçiç në një fjalim televiziv, duke shtuar se qeveria do të formulojë "masat më të ashpra" së shpejti.

Ai tha se lufta "kundër një kundërshtari të padukshëm" do të synojë mbrojtjen e të moshuarve, të cilët janë veçanërisht të rrezikuar nga shpërthimi i koronavirusit.

Presidenti i Serbisë tha se kopshtet, shkollat ​​dhe universitetet do të mbyllen deri në fund të semestrit.

Autoritetet shëndetësore në vendin ballkanik deri më tani kanë raportuar 46 raste të infeksionit dhe kanë testuar 283 persona. Nuk ka patur viktima, por dy pacientë mbeten në gjendje të rëndë.

Vuçiç paralajmëroi se nga e hëna ushtria do të ruajë spitalet, ndërsa policia do të vëzhgojë ata që janë në karantinë ose në izolim deri në 28 ditë. Ata që shkelin karantinën mund të përballen me burg deri në tre vjet, tha ai. "Do të ketë kufizime të të gjitha llojeve," shtoi Vuçiç.

Përshtatur në shqip nga REUTERS

 

Të fundit