Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kosova i vë taksë edhe Maqedonisë së Veriut: Është masë reciproke

Politiko 16 Gusht 2019, 19:34
Kosova i vë taksë edhe Maqedonisë së Veriut: Është

Pas Serbisë, Kosova ka vendosur që të aplikojë taksë për dy produkte edhe ndaj Maqedonisë së Veriut.

Ministri i Tregtisë dhe Industrisë në ikje, Endrit Shala, deklaroi se taksat ndaj mjaltit dhe patateve vendosen për shkak se Maqedonia e Veriut është duke aplikuar barriera tarifore ndaj produkteve të Republikës së Kosovës.

“Sot kam marr vendim që të vendos masa reciproke për produktet e Maqedonisë së Veriut që importohen në Kosovë dhe të ndalojë hyrjen e disa produkteve në mënyrë që të detyrojë shtetin e Maqedonisë së Veriut që të reflektoj dhe të ketë tretman të barabartë për produktet e Kosovës që hyjnë në atë shtet”, njoftoi Shala.

Ministri theksoi se që nga qershori i këtij viti kur produktit të Kosovës, rasadit të peshkut i janë vendosur barrierat tarifore nga ana e Republikës së Maqedonisë së Veriut, ka dërguar ankesa përmes sekretariatit të CEFTA-së dhe po ashtu ka nisur letër drejt ministrit të ekonomisë, por autoritetet nuk kanë reflektuar.

“Reciprociteti, partneriteti dhe trajtimi i barabartë i prodhimeve kosovare gjatë eksportit në vendet e rajonit, është e vetmja rrugë me të cilën duhet të ecim përpara. Në rast se ky tretman do të vazhdojë ne do të marrim edhe hapa tjerë, jo vetëm ndaj këtij shteti por edhe shteteve tjera. Tashmë asnjë prodhim Kosovar që eksportohet jashtë nuk do të ketë tretman të pabarabartë” ,tha ai.

Por ministri i Ekonomisë nga Maqedonia e Veriut, Kreshnik Bekteshi u shpreh se nuk janë të vërteta arsyet e homologut kosovar dhe ne në çdo moment jemi të gatshëm të bisedojmë me fakte e argumente.

Të fundit