Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Kosova u bë e pavarur sepse nuk u mposht kurrë!” Basha dhe Berisha urojnë 10 vjetorin e pavarësisë

Politiko 17 Shkurt 2018, 11:41

Kreu i PD-së, Lulzim Basha dhe ish-kryetari i saj, Sali Berisha, kanë uruar shqiptarët për 10 vjetorin e pavarësisë së Kosovës, duke e konsideruar një ditë të madhe për kombin.

Basha thekson se sot përulemi përpara veprës së Ibrahim Rugovës dhe Adem Jasharit, si dhe ndaj mijëra bijave dhe bijëve të Kosovës që sakrifikuan veten për këtë ditë.

Edhe Berisha e konsideron 17 shkurtin si ditë lirisë së shqiptarëv. “Kosova u bë e pavarur sepse nuk u mposht kurrë”,shkruan ndër të tjera ish-kryeministri.

Prapaskenat e përplasjes/ Rama i inatosur me Haradinajn, zgjodhi Ilir Metën si negociator për kufirin; zbardhet takimi i presidentit të Shqipërisë në “Villa Gorica”

Reagimi i Bashës:

Gëzuar Pavarësinë, Kosovë! Gëzuar këtë ditë të madhe për të gjithë shqiptarët!

Sot, ne jemi të gjithë me mendje dhe me zemër në Kosovë. Përulemi para veprës së Ibrahim Rugovës, Adem Jasharit e mijëra bijave e bijëve të Kosovës dhe mbarë kombit që luftuan e sakrifikuan për këtë ditë të madhe. Sot kujtojmë me përmallim të gjithë të dashurit tanë që u ndanë nga ne me pengun se nuk e panë dot Kosovën të lirë.

Por mbi të gjitha, sot jemi krenarë për Kosovën. Jemi kryelartë para botës dhe kombeve se Kosova ka treguar cdo ditë në këta 10 vjet se pavarësia e saj ishte jo vetëm drejtësi njerëzore dhe historike, por edhe burim për paqen, zhvillimin dhe europianizimin e të gjithë Ballkanit. Jemi plot besim se Kosova ka përpara një të ardhme të ndritur, të përparuar dhe europiane. Sot, ne e dimë se e ardhmja e të gjithë shqiptarëve është e bekuar.

Gëzuar Kosovë e shtrenjtë! Gëzuar shqiptarë kudo në botë!

Reagimi i Berishës:

Gezuar Kosove 10 vjetorin e Pavaresise!

Te dashur miq, sot shqiptaret ne Kosove, trojet e tyre te tjera dhe ne mbare boten kudo qe jane kremtojne diten me te rendesishme te lirise dhe ekzistences se tyre pas pavaresise se Shqiperise, pavaresine e Kosoves ne 10 vjetorin e saj.

Ata sot festojne 10 vitet e para ne historine e tyre shekullore te udhetimit si nje komb ne liri. Kjo dite nuk eshte pra vetem 10 vjetori i pavaresise dhe lirise se Kosoves, por ne fakt 10 vjetori i lirise se shqiptareve per aq sa shpirti dhe liria e nje kombi jane nje dhe te pandare.

Sot shqiptaret ne Kosove dhe mbare boten festojne me krenari te ligjshme sukseset e medha qe Kosova ka arritur ne keto 10 vite pavaresi. Ajo sot eshte nje faktor i rendesishem paqe dhe stabiliteti ne rajon, ka ndertuar dhe po konsolidon institucionet demokratike te shtetit ligjor dhe ka nder standartet me te larta te garantimit te te drejtave dhe lirive te pakicave. Kosova, me reforma te thella e te gjithanshme ka zhvilluar keto vite nje ekonomi vibrante, qe sot ka rritjen me te larte ne rajon, ka shenuar rezultate dhe ka nxjerre emra boteror ne kulture, muzike, sport etj.

Ajo eshte njohur nga mbi 95 perqind e vendeve te lira dhe ecen me vendosmeri ne rrugen e integrimit te saj ne NATO dhe BE.

Pavaresia e Kosoves qe u shpall 10 vjet me pare dhe çlirimi i saj, ishin kurorezim i qendreses mbinjerezore pothuaj nje shekullore te shqiptareve ne Kosove. Ajo i ka rrenjet e veta ne gjakun dhe sakrificen sublime te qindra mijra burrave dhe grave, djemve dhe vajzave martire te Kosoves qe rane per t’u bere te pavdekshem ne luftrat tyre per liri dhe dinjitet kombetar, qe nga vitet 1870 ne vitet 1999.

Pavarsia e Kosoves eshte triumfi epik i shpirtit te pamposhtur te burrave dhe grave te saj qe i mbijetuan genocideve, shfarrosjeve dhe barbarive me te medha te serbeve, luftrave ballkanike qe synonin mbi te gjitha zhdukjen e tyre, te zbatimit te platformes se Çubrilloviçit te spastrimit etnik te tyre ne perfundim te Luftes se Dyte Boterore nga klika e Titos me ndihmen e Kalit te Trojes, levizjes jugosllave te klikes hoxhiste dhe tradhetise nga kjo e fundit e kauzes se saj, politikes se aparteidit dhe programeve shfarrosese te Kasapit te Ballkanit, Sllobodan Millosheviçit.

Kosova u be e pavarur sepse nuk u mposht kurre!

Pavaresia e Kosoves eshte veper e arkitetktit te saj, politikanit gjeni te kombit shqiptar, Presidenitit Ibrahim Rugova, Gandit te shqiptareve, Ballkanit dhe Europes, qe ndertoi tek shqiptaret e Kosoves endrren e pavaresise, themeloi ne kushtet e pushtimit me te eger Republiken e Kosoves dhe pushtetin e saj paralel me pushtetin e pushtuesve mizore. Presidenti Rugova mbrojti dhe paraqiti me vendosmeri dhe civilitet ne Shtepine e Bardhe dhe kancelarite me te medha te plantetit çeshtjen e drejte te popullit te Kosoves. Ai arriti ta shnderroje kete kauze ne çeshtje kryesore te axhendes se SHBA dhe vendeve te lira perendimore! Pas lufte, Kosova hodhi themelet e shtetit te sotem te pavarur, demokratik, pro-perendimor te Kosoves.

Pavaresia e Kosoves eshte veper e komandantit legjendar Adem Jashari, heronjve te tjere dhe dhjetra mijra luftetareve te lirise, qe me burrerine, guximin, heroizmin, sakrificen e tyre bene luften e fundit çlirimtare ne Europe dhe çliruan Kosoven!

Por pavaresia e Kosoves u be e mundur sepse shqiptaret kudo ne rajon dhe ne bote qendruan si nje komb i vetem, dhe Shqiperia, pas shembjes se diktatures hoxhiste, luajti rolin e saj te pazevendesueshem!

Por sot shqiptaret ne Kosove dhe mbare boten nuk do festonin kete date pa mbeshtetjen dhe rolin percaktues te SHBA ne Çlirimin dhe Pavaresine e Kosoves, pa mbeshtetjen e Kongresit te ketij vendi dhe Presidentit Bill Klinton dhe Presidentit George Ë Bush, vendeve te medha te perendimit dhe vendeve anetare te NATO-s.

Te dashur miq, duke uruar nga zemra ne kete 10 vjetor te Pavaresise, Kosoven, qytetaret e saj dhe mbare shqiptaret, le te perulemi ne me nderimin me te madh dhe mirenjohjen me te thelle para burrave te medhenj te kombit tone, arkitektit te pavaresise se Kosoves, presidentit Ibrahim Rugova, komandantit legjendar Adem Jashari, para te gjithe atyre qe luftuan, flijuan jeten dhe rinine per lirine dhe pavaresine e Kosoves, para SHBA dhe te vendeve tjera anetare te NATO-s, qe me nderhyrjen e tyre luajten rol percaktues ne çlirimin e saj.

Gezuar! Zoti e bekofte Kosoven, Zoti i bekofte shqiptaret!! sb

Të tjera nga 10 vjetori i Pavarësisë:

10 vjet Pavarësi; ‘Newborn’në Prishtinë merr pamjen e re

Diplomati amerikan: Diskutime Tiranë-Beograd për Kosovën? Është e papërshtatshme për Shqipërinë

Dua Lipa uron 10 vjetorin e pavarësisë, njofton një surprizë për Kosovën

10 vjetori i pavarësisë së Kosovës, asnjë nga gazetat e Tiranës nuk i kushton rëndësi

Të fundit