Akuzat për krime lufte/ Ish-drejtuesit e UÇK në seancën e dytë para 'Speciales', Prokuroria: Gjykimi të nisë në verën e 2021! Mbrojtja: Absurde, na duhet kohë!

Gjykata Speciale e Hagës ka nisur seancën e dytë gjyqësore për ish-drejtuesit e UÇK-së, Hashim Thaçi, Kadri Veseli, Jakup Krasniqi si dhe Rexhep Selimi së bashku me 3 ish-luftëtarët e UÇK-së, të akuzuar për krime lufte dhe krime kundër njerëzimit.

Gjatë fjalës së saj, Prokuroria e çështjes ka kërkuar që gjykimi për ish- luftëtarët e UÇK-së të nisë ne verën e vitit 2021. Kjo është kundërshtuar nga avokatët të të pandehurve, të cilët kanë kërkuar më tepër kohë duke u shprehur se gjykimi nuk duhet të nis para qershorit të vitit 2022.

"Sa i përket hetimeve, kontrollimi që u bë gjatë arrestimit, një pjesë e materialeve që u morën gjatë këtij kontrolli ndoshta do të duhen hapa të tjera në lidhje me atë material. Procesi i nxjerrjes së materialeve të nxirret në një mënyrë që nuk paragjykon mbrojtjen dhe do të informojmë palët në mënyrën e duhur.

Të gjitha nxjerrjet e materialeve do të diskutohen më vonë, për më tepër vetë akt akuza përmban pretendime të detajuara lidhur me akuzat dhe duke u nisur nga shkalla e hollësive, përsa i përket aktakuzave duhet të bëhen disa redaktime.  

Ndjekim urdhrin tuaj për masa mbrojtëse, në pika të shkurtra mbrojtja ka informacion të bollshëm për të filluar hetimet menjëherë për më tepër realiteti është se ka informacioni që ka mbrojtja është e njoftuar. Nuk ka asnjë arsye pse gjykimi i çështjes të nis në verën e 2021", tha Prokurorja e çështjes.

Avokati i ish- presidentit të Kosovës, Hashim Thaçi, përveç kërkesës për nisjen e gjykimit në verën e 2022, i ka kërkuar prokurorisë që të specifikojë detajet në faktet që ajo zotëron.

"Propozimi që gjykimi të nis në qershor është absurde, kjo është një çështje e komplikuar, por jo vitin e ardhshëm, por një vit më pas", tha avokati i Thaçit.

Në të njëjtën linjë mendimi ka qenë edhe avokati i Kadri Veselit, Ben Emmerson, duke shtuar se një gjë e tillë është e është e pamundur, nisur edhe nga fakti që kemi 200 dëshmitarë.

“Si me arna, janë bazuar si me arna... Janë përmendur shumë emra njerëzish, kanë sajuar këto aktakuza. Do të na duhen 18 muaj minimum hetime. Ne propozojmë hetime që të bëhen nga hetues me shumë përvojë që do i kalojnë akuzat një e nga një, kjo është një çështje shumë e rëndësishme, prokuroria ka pasur 5 vjet për këtë çështje dhe Gjykatësi duhet të vendosë balancë që palët të mos zhgënjehen nga kjo mungesë propocionaliteti.

Ne e mbështetim avokatin e Thaçit që nuk mund të nisin hetimet para qershorit të vitit 2020. Duke pasur parasysh që kemi rreth 200 dëshmitar dhe dilet për më shumë se 100 incidente ne mendojmë që gjyqi do të vijojë nga 18 muaj deri në 2 vjet, jam i zhgënjyer nga Prokuroria. Ne duhet të kemi hollësi të mjaftueshme në formë të pa redaktuar. Ata thonë që nuk ka nevojë për hetime ne themi që ka nevojë.

Nëse prokuroria është në gjendje që të provojë krimet e luftës, akumulimi i këtyre krimeve individuale nuk përbën ndërmarrje kriminale të përbashkët. Nuk ka ekzistuar siç përcaktohet në akt-akuzë.

Në zbatimin e të drejtës ndërkombëtare penale, UÇK ka qenë një kryengritje popullore e organizuar në mënyrë minimale për t'u mbrojtur nga gjenocidi serb. Më shumë se 10 mijë shqiptarë janë vrarë, vendi u përfshi nga kaosi, shqiptarët u vranë nga serbët dhe ka shumë të tjerë që trupat janë çuar me kamion dhe janë varrosur atje. UÇK arriti fitore modeste dhe ekzistenca e tyre varej nga mbështetja që dha populli. Nuk mund të gjesh disa krime individuale dhe të gjesh kush ka fajin, nuk mund të bëhet konkluzioni me anë të referencës. Pa pikë dyshimi, aktakuza ishte e fragmentuar", tha avokati i Veselit.

Ndërkaq, avokatja e Jakup Krasniqit është shprehur se mbrojtjes i nevojitet më tepër kohë për t’u bërë gati, marrë parasysh edhe rrethanat e krijuara nga COVID-19.

"Nuk jemi dakord me parashtrimet e Prokurorisë. Ne jemi dakord me mendimet e parafolësve. Na duhet kohë dhe mjetet e mjaftueshme, në kuadër të rrethanave të shkaktuar nga COVID-19".

Kujtojmë se, ndaj ish- luftëtarëve të UÇK-së rëndojnë 10 akuza, për përndjekje, burgosje, ndalim arbitrar, aktet të tjera ç'njerëzore, trajtim mizor, torturë, vrasje si krim kundër njerëzimit, vrasje e paligjshme si krim lufte, zhdukje me forcë e personave, në periudhën mes prill 1998- gushtit 1991.