Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

BE njeh zyrtarisht Kosovën si vend i sigurt për azil

Politiko 8 Dhjetor 2025, 14:57

BE njeh zyrtarisht Kosovën si vend i sigurt për azil

Bashkimi Evropian ka shpallur Kosovën dhe shtatë vende të tjera si vende të sigurta origjine për çështjet e azilit. Vendimi u miratua nga Këshilli i BE-së, i cili ka rënë dakord për dy pjesë të reja të legjislacionit që synojnë forcimin e zbatimit të konceptit të “vendit të sigurt” në kuadër të rregullave të azilit.

Sipas njoftimit zyrtar, këto ndryshime janë pjesë e paketës së re të migracionit dhe synojnë të krijojnë procedura më të shpejta dhe më efikase për aplikuesit që nuk kualifikohen për mbrojtje brenda BE-së.

Ministri danez për Imigracionin dhe Integrimin, Rasmus Stoklund, u shpreh:
“Jam i lumtur që shtetet anëtare kanë rënë dakord për një qasje të përbashkët mbi rishikimin e konceptit të ‘vendit të tretë të sigurt’, i cili u lejon vendeve anëtare të bëjnë marrëveshje me shtete të sigurta jashtë Evropës për përpunimin e kërkesave për azil.”

Vendimi parashikon që Kosova të konsiderohet zyrtarisht vend i sigurt i origjinës, çka nënkupton se kërkesat për azil të qytetarëve kosovarë mund të trajtohen me procedurë të përshpejtuar. 

Megjithatë, përcaktimi si vend i sigurt nuk nënkupton refuzim automatik të çdo kërkese për azil: rastet individuale mund të shqyrtohen nëse paraqiten arsye specifike që justifikojnë mbrojtjen.

Rregullorja e re, e cila përfshin rishikimin e konceptit të vendit të tretë të sigurt, zgjeron gjithashtu rrethanat në të cilat një kërkesë për azil mund të shpallet e papranueshme.

Përveç Kosovës, Këshilli ka përcaktuar si vende të sigurta origjine këto shtete: Bangladeshi, Kolumbia, Egjipti, India, Maroku dhe Tunizia.

Të fundit