Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

"Ka rrezik të arratiset", Specialja lë në fuqi vendimin për paraburgimin e Salih Mustafës

Politiko 26 Janar 2021, 11:55

"Ka rrezik të arratiset", Specialja lë në fuqi vendimin

Gjykatësi i procedurës paraprake në Gjykatën Speciale, Nicolas Guillou ka vendosur ta vazhdojë maswn e paraburgimit pwr ish-eprorin e UÇK-së, Salih Mustafës, duke konsideruar se nëse ai lirohet, ka rrezik që të arratiset.

Gjykatësi ka renditur argumentet e tij në vendimin për mbajtjen e Mustafës në paraburgim, ndërsa në konkluzionin e vendimit thuhet: “Për arsyet e lartpërmendura, Gjykatësi i Procedurës paraprake: Urdhwron vazhdimin e ndalimit të z. Mustafa”.

Guillou ka konstatuar se nuk ka asgjë të re për t’i ndryshuar pretendimet e Prokrurorisë lidhur me rreziqet për arratisjen e Salih Mustafës, ndërhyrjes në dëshmitarë dhe mundësinë e kryerjes së ndonjë krimi.

“Gjyqtari i procedurës paraprake konstaton se nuk ka asnjë informacion ose zhvillim ndërhyrës në procedurat aktuale që minojnë përcaktimin se ekzistojnë artikuj bazw për të besuar se të tre rreziqet e parashikuara në nenin 41 të ligjit vazhdojnë të ekzistojnë”, thuhet në përfundimet e vendimit.

Mustafa kishte ofruar disa kushte për t’u liruar, por ato për Gjykatën Speciale janë të pamjaftueshme, shkruan gazeta Express.

“Çdo siguri që z. Mustafa mund të japë do të ishte e pamjaftueshme për t’u garantuar pajtueshmërinë me ndonjë kusht ose kapërcimin e rreziqeve konkrete të lirimit. Në të tilla rrethanat, lirimi, me ose pa kushte, nuk duhet të jepet”, thuhet në vendim.

Më 24 shtator 2020, Salih Mustafa u arrestua me një urdhërarrest të lëshuar nga Guillou dhe po mbahet në paraburgimin e Gjykatës Speciale në Hagë i akuzuar për krime lufte dhe krime kundër njerëzimit.

Të fundit