Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Kurti: Kemi trajnuar 34 mijë rekrutë ukrainas në taktikat e luftës

Politiko 26 Gusht 2024, 22:10

Kurti: Kemi trajnuar 34 mijë rekrutë ukrainas në taktikat e

Edhe pse Ukraina nuk e ka njohur ende Kosovën si shtet sovran, solidariteti i Kosovës ndaj Ukrainës është i dukshëm. 

Kështu ka thënë ambasadori gjerman në Kosovë, Joern Rohde në pritjen që ambasadat e QUINT-it dhe Zyra e BE-së organizuan për nder të Ditës Kombëtare të Ukrainës.

Aty u nderuan gazetarët ukrainas që jetojnë në Kosovë përmes Iniciativës Hannah Arendt të Qeverisë Gjermane.

Sakaq, kryeministri i Kosovës, Albin Kurti tha se një nga format e para të ndihmës që Kosova i ofroi Ukrainës ishte programi i strehimit të gazetarëve, i cili vazhdon edhe sot e kësaj dite, e ku përmes kësaj iniciative Kosova i ka dhënë 18 gazetarëve ukrainas statusin e mbrojtjes së përkohshme, në mënyrë që ata të mund të vazhdojnë punën e tyre.

Sipas tij, 12 prej tyre ende jetojnë dhe punojnë në vendin tonë duke formuar një pjesë integrale të peizazhit tonë të gjallë dhe të larmishëm mediatik, në të vërtetë sigurimi i hapësirës së sigurt dhe mikpritëse për gazetarët është një nga arritjet më krenare të qeverisë në mbrojtjen dhe promovimin e lirisë së medias.

Ai tha përveç mbështetjes sonë për gazetarët ukrainas, Kosova ka hequr përkohësisht regjimin e vizave për qytetarët ukrainas në përgjithësi dhe ka hedhur bazat për strehimin e deri në 5000 refugjatëve nga konflikti.

“Ne kemi miratuar 13 paketa sanksionesh të BE-së kundër Rusisë, Bjellorusisë… Dhe ne i kemi mbështetur të gjitha sanksionet e SHBA-së edhe ndaj këtyre vendeve, në bashkëpunim me MAT KOSOVA (Mine Action & Training) dhe EUcom, komanda evropiane e SHBA-së, FSK-ja ka trajnuar 140 ukrainas në fushën e deminimit. Dhe së bashku ne po ofrojmë trajnime për rekrutët ukrainas në taktikat luftarake.

Deri më tani, 34 000 rekrutë janë trajnuar përmes këtij operacioni. Dhe pikërisht gushtin e kaluar, me rastin e Ditës së Pavarësisë së Ukrainës, qeveria jonë iu bashkua zyrtarisht deklaratës së përbashkët të G7 për mbështetjen e Ukrainës. Mbështetja e Kosovës për Ukrainën në këtë kohë nevoje tregon përkushtimin tonë për të vepruar me partnerët tanë ndërkombëtarë kundër agresionit të paligjshëm dhe të paprovokuar të Rusisë”, tha ai.

 

Të fundit