Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Lajçak përfundon mandatin si i dërguari i BE-së për dialogun Kosovë-Serbi: Mision sfidues, por i shpërblyer

Politiko 31 Janar 2025, 19:40

Lajçak përfundon mandatin si i dërguari i BE-së për
Miroslav Lajçak ka përfunduar zyrtarisht mandatin e tij pas thuajse pesë vitesh si i dërguari i Bashkimit Evropian për dialogun Kosovë-Serbi, duke ia dorëzuar detyrën pasardhësit të tij, diplomatit danez Peter Sorensen.

Në një postim në platformën "X", Lajçak e ka përshkruar këtë periudhë si një mision sfidues, por të shpërblyer, duke nënvizuar rëndësinë e arritjeve në këtë proces, përfshirë Marrëveshjen e Ohrit të arritur në mars të vitit të kaluar.

“Pas 4 vjetësh e 10 muajsh si lehtësues i dialogut të BE-së, zyrtarisht po ia dorëzoj detyrën pasardhësit tim, Peter Sorensen. Ka qenë një mision sfidues, por i shpërblyer, dhe si Kosova ashtu edhe Serbia mund të jenë krenare për arritjen e Marrëveshjes së Ohrit,” ka shkruar Lajçak.

Dialogu mes Kosovës dhe Serbisë ka qenë një ndër proceset më të rëndësishme diplomatike në rajon, me qëllim normalizimin e marrëdhënieve mes dy vendeve dhe avancimin e tyre drejt integrimit evropian.

Të fundit