Flash News

Aksident i rëndë pranë TEG-ut, një betoniere bie nga mbikalimi në autostradë

Facebook, Instagram dhe Messenger jashtë funksionit për shumë përdorues!

Viktima e dytë nga moti i keq në Sarandë, gjendet i pajetë në det një peshkatar

Shkelën procedurat e punësimit të Muçi Shaljanit, 6 muaj burg për dy ish-zyrtarët e AMP-së

Humbi kontaktet me familjen/ Ambasada braziliane zbulon rastin e prostitucionit në Shqipëri

Kosova

Lavrov mbështet “Open Balkan”, Kosova: A do të thotë se kush mbështet nismën, është pro luftës në Ukrainë?

Politiko 7 June 2022, 09:26

Lavrov mbështet “Open Balkan”, Kosova: A do të thotë

Ministri i Jashtëm rus, Sergey Lavrov, deklaroi dje për mediet ruse se vizita e tij në Serbi do të përkonte edhe me mbështetjen që ai do të deklaronte për nismën e tre vendeve të Ballkanit Perëndimor, ‘Open Balkan’.

Lidhur me deklaratën e Lavrov, ka reaguar edhe Kosova. Kreu i Komisionit të Punëve të Jashtëm të Kuvendit të Kosovës, Haki Abazi, është shprehur se deklarata e ministrit rus nënkupton se kushdo i cili mbështet ‘Open Balkan’, mbështet edhe shkatërrimin e Ukrainës.

“Kur Lavrov mbështet konkretisht ‘Open Balkan’, ndërkohë që po shkatërron hapur Ukrainën, a do të thotë kjo se kushdo që mbështet Open Balkan po mbështet gjithashtu shkatërrimin e Ukrainës! Dhe çfarë është në të vërtetë Ballkani i Hapur?”, shkruan Abazi.

Asnjë nga tre shtetet që marrin pjesë në nismë nuk e ka komentuar. Duke përjashtuar presidentin serb Aleksandër Vuçiç, i cili ka marrëdhënie të ngushta me Rusinë, as kryeministri Edi Rama dhe as kryeministri maqedonas Dimitar Kovaçevski, nuk kanë bërë një koment për deklaratën e Lavrov,

Ndërsa sot mbahet Samiti i “Open Balkan” në Ohër, ku të pranishëm do të jenë edhe përfaqësues nga Mali i Zi dhe Bosnje dhe Hercegovina, megjithëse të dyja vendet deklaruan prej fillimit se nuk do t’i bashkohen nismës.

Kosova ka pohuar se për sa kohë që Serbia është pjesë e saj do të qëndrojnë larg.

Të fundit