Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Ministrja e Jashtme e Kosovës kundër Mini-Shengenit: Proces i rrezikshëm për stabilitetin dhe paqen e Ballkanit

Politiko 23 Korrik 2021, 20:44

Ministrja e Jashtme e Kosovës kundër Mini-Shengenit: Proces i

Ministrja e Punëve të Jashtme dhe Diasporës e Republikës së Kosovës, Donika Gërvalla është shprehur hapur kundër Mini-Shengenit, duke e cilësuar atë si një proces që pengon stabilitetin dhe paqen në Ballkan.

E ftuar në një takim jozyrtar mes ministrave të Jashtëm dhe për Çështjen Evropiane të BE-së dhe vendeve të Ballkanit të mbajtur në Slloveni nga sekretari i shtetit slloven, Gashper Dovzhan, Gërvalla i ka bërë thirrje BE-së ta ndalë sa më shpejt këtë proces.

“E quajnë ‘Mini-Shengen’ dhe na thonë vazhdimisht që ky nuk është në kundërshtim me rrugëtimin drejt BE-së. Por kjo nuk është e vërtetë. Na thonë që i shërben bashkëpunimit rajonal. As kjo, nuk është e vërtetë. Ky proces mund të jetë shumë i rrezikshëm për stabilitetin dhe paqen në Ballkan”, ka thënë Gërvalla.

Lidhur me bashkëpunimin rajonal, Gërvalla foli për idenë e një tregu të përbashkët rajonal si plan e strategji për bashkëpunim dhe zgjidhe të konflikteve. Sipas saj, ka disa aktorë në Ballkan të cilët po mundohen ta minojnë këtë koncept duke bërë çdo përpjekje për ta rikthyer në kohët e vjetra, ku përplasjet politike dhe ekonomike ishin të ndërthurura.

Të fundit