Flash News

Alibeaj në vështirësi, jep dorëheqjen këshilltari ligjor i Grupit Parlamentar

Fier/ Makina përplas 12-vjeçarin që lëvizte me biçikletë, shoqërohet shoferi

Sulmi i Veliajt ndaj mediave, sekretari i Federatës Europiane të gazetarëve: Jemi të indinjuar!

Aksident në Durrës, makina përfundon në kanal, 4 të plagosur

NATO tregon se kur do t'i bashkohet zyrtarisht Finlanda aleancës

Kosova

Pavarësisht presionit, Kurti kundër asosacionit: Ndërkombëtarët të argumentojnë përse e kërkojnë

Politiko 28 Janar 2023, 17:43

Pavarësisht presionit, Kurti kundër asosacionit:

Kryeministri i Kosovës, Albin Kurti vijon me qëndrimin kundër krijimit të asosacionit të komunave me shumicë serbe, edhe pse presioni i ndërkombëtarëve është rritur ndjeshëm.

Në një intervistë për RTK2, ai ka thënë se “nuk e sheh të nevojshëm krijimin e Asociacionit, por se është i gatshëm për diskutime për të drejtat e komuniteteve joshumicë”.

“Jam gati për bisedime për të drejtat e pakicave, të komuniteteve joshumicë, jam gati për këtë. Por duhet ta kuptoni se është shumë e rëndësishme që ata që duan më shumë të drejta sesa u jep plani i Ahtisaarit, e mbajnë barrën e argumentimi , pse u duhen më shumë.

Ahtisaari mori çmimin Nobel për Paqe, çfarë do ta plotësonte planin e Ahtisaarit, cilat janë argumentet për të metat e tij. Barra e argumentit duhet të jetë mbi ata që kërkojnë diçka tjetër apo diçka më shumë”, tha Kurti.

Kryeministri ka treguar se kur është njohur për herë të parë me propozimin e njohur si ‘franko-gjerman’, ka besuar në marrëveshje.

“Të jem plotësisht i qartë, sigurisht edhe i sinqertë, më 9 shtator e kam lexuar atë propozim, por nga ‘iPad’-i i Lajçakut, nuk kam pasur dokument me shkrim. Ishin së bashku me Jens Plotner dhe Emmanuel Bonn, të dërguarit nga Parisi dhe Berlini. Unë menjëherë e kam vërejtur se më në fund kemi një propozim për marrëveshje”, ka shtuar kryeministri Kurti.

 

Të fundit