Kosova

Presidentja e KE-së i jep garanci edhe Kurtit për vaksinat kundër COVID-19

Presidentja e KE-së i jep garanci edhe Kurtit për vaksinat kundër

Presidentja e Komisionit Europian, Ursula von der Leyen ka zhvilluar sot biseda telefonike me të gjithë liderët e Ballkanit Perëndimor për t'iu dhënë garancinë për vaksinat kundër COVID-19, se së shpejti Bashkimi Europian do të japë 651 mijë doza të kompanisë "Pfizer". 

Pas kryeministrit të Shqipërisë Edi Rama, ajo ka telefonuar dhe kryeministrin e Kosovës, Albin Kurtin. Lajmin e ka bërë me dije përmes një postimi në Twitter.

"Qëndrojmë pranë partnerëve në Ballkanin Perëndimor. Kam diskutuar me Kryeministrin Albin Kurti
shpërndarjen në Kosovë të vaksinave të financuara nga Komisioni Europian për të vaksinuar shpejt punonjësit shëndetësor dhe njerëzit më në nevojë. Së bashku do ta tejkalojmë pandeminë!" shkruan Ursula von der Leyen.

Kosova është i vetmi shtet në Europë që nuk e ka nisur ende procesin e vaksinimit kundër virusit COVID-19.

Të fundit